°~*¤®§(§ شبـــكة ويــلان العـربـيـه §)§®¤*~ˆ°

- منتدى المختارات الشعريه (http://www.weelan.com/vb/forumdisplay.php?f=10)

- - ((بهرجة حب )) (http://www.weelan.com/vb/showthread.php?t=16633)

((بهرجة حب ))

.
,
.

هاض بركان المحبـه وانفجـر لحضـة خيـال
واشتعل تحت الحنايـا واشتـوا قلبـن حنـون
آه من قلبن حسبتـه فـي حياتـي راس مـال
وآه ياوقتـن مضالـي بيـن شكـه والظنـون
قسـوة الدنيـا تسـاوت يـوم قالتلـي تعـال
أستمع للصوت واقصد بيـن آهـات وسكـون
كيف كنا ؟؟وليش صرنا !! من يجاوب هالسؤال؟
ماتغير شي فينـي!! ليـش هالليلـه أمـون!؟
بهرجة حب ودعايـه.. أو خطـر فالبـال بـال
كنت في حبك متيـم.. ماهقيـت انـي اهـون
كـان قصـدك اشتياقـك مثـل ماغنـت نـوال
ياما ترجمت اشتياقي وانت في صـدك تخـون
اعجبك نور الاضائـه كـل شـي ن لـه زوال
للأسف ماكنت احسبك عاشـق الفـن ابجنـون
تدري يالحـب المزيـف رجعتـك والله محـال
جيت كلك رحـت كلـك ماسألتـك مـن تكـون
إكتـم العبـره وخلـك بيـن طيـات الـجـدال
لوم نفسك أو تلومـك يمكـن انكـم تصدقـون
والتفت حولك وركز من يميـن ومـن شمـال
واجد اللـي يعشقـون وواجـد اللـي يكذبـون
ليش تبكي وانت قلبك من حجـر او مـا يقـال
اسود امن اللون نفسه لو تزيـده لـون لـون
بعدها صورة خيالي إنطقـت: (يابـن الحـلال)
اعتقه واكسب ضميـرك واتركـه للـي يبـون
وش يبون ؟؟اللي يبونه من حنـان ومـن دلال
حتى لوكان المصير اسوء من اللـي تعرفـون
ياما راحن من ضحايا والسبـب غـدر الليـال
كم نصيحه مع نصيحه مالقـت مـن يفهمـون
درب اسود مـن هـلاك ولوضربنالـك مثـال
ينعزف ناي الخديعه لجـل (وحـده) تكرمـون
قلت ياصورة خيالـي والزهـر فـوق الرمـال
ريحته تنعش فؤادي والشجـون امـن العيـون
مهرتن محدن عسفها غيـر قلبـي والوصـال
وصل عذبات المشاعر ماهـو وصـل التِلفـون
عاشت ابعز وكرامـه بيـن عـم وبيـن خـال
اسمها عـزوة قبيلـه مزبـن اللـي يزبنـون
بنت شيخن لا ذكرتـه طئطئـت روس الرجـال
واخت عودن بالمواقـف يحسبـون ويعجـزون
يمكن البعـض افتهمهـا انهـا مـن بيـت آل
صيتهم كايد وانا ادري وارجو انكـم تستـرون
والحقيقـه بالنهايـه كـل هـذا مـن خـيـال
دقـة التصويرعنـدي درس للـي يجهـلـون

للشاعر

أحمد العكشان

رد: ((بهرجة حب ))

صح ذوووقك
اخوي ابو غرام

اختيار جميل وذوووق مميز
لاعدمنا تواجدك بالمنتدى
تحياتي وتقديري

رد: ((بهرجة حب ))

الشكر موصول لكي اختاه على جميل مرورك وطيب ردك

لاحرمنا الله تواصلكي ومروركي الكريم

فائق الود والتقدير

رد: ((بهرجة حب ))

ابوغرام

الله يعطيك العافيه على الاختيار اللي اكثر من رائع

رد: ((بهرجة حب ))

اقتباس:

عاشت ابعز وكرامـه بيـن عـم وبيـن خـال
اسمها عـزوة قبيلـه مزبـن اللـي يزبنـون
بنت شيخن لا ذكرتـه طئطئـت روس الرجـال
واخت عودن بالمواقـف يحسبـون ويعجـزون
يمكن البعـض افتهمهـا انهـا مـن بيـت آل
صيتهم كايد وانا ادري وارجو انكـم تستـرون
والحقيقـه بالنهايـه كـل هـذا مـن خـيـال
دقـة التصويرعنـدي درس للـي يجهـلـون

أبـو غـرااام

الله على هالقصيدة .. صح لسان شاعرها

وسلمت يمينك على هالإختيار

متـذوق من الطبقة الممتازة

تقبـل مروري ،،،

رد: ((بهرجة حب ))

صقر الصقور شكرا لك لومرورك الكريم من هنا

رد: ((بهرجة حب ))

مشاري البواريد

انت نورت صفحتي

وقد اعجبت بما خططته منذ بداية حضورك هنا

شرفتني اخي بعقليتك الفذه حينما رايت ردك في احدى المواضيع

وزادني شرفا حضورك هنا

لك مني فائق الود والتقدير