كاتب الجعفري
ياسلام الله عليكم مار ناودا لي سلامه= شاعر الشعار مايرمي برمية دون رامي قلت لاتحزن وقلنا كلها خير وكرامه=لاتنزل في مقامك مع رديين المقامي سلامة الحعفري
مرحبا يالشاعر اللي ماتجي مثله ملامه = لو يشيل السيف ابوحدين قصاص العظامي قبل مانحكم على المخلوق ننشد وش مرامه = يمكن انه له هدف بين الرجال وله مرامي كاتب الحعفري
البقا لو ان ماني بازواد العالم فهامه= لكن احب النظام ومن مشى حسب النظامي من يريد الخير يلقى الدرب في شرقه وشامه=مادخلنا فالذمم والنور جلاي الظلامي سلامة الجعفري
دام ماشي في نظامك كل رجال ونظامه = لاتحرم لك حلال ولاتحلل لك حرامي ابك انا صاحبت رجل ٍ له شداد وله مسامه = ودي اني العلم ياصل للعرب شرقي وشامي كاتب الجعفري
يالله انك ترحم اللي مات ماغير كلامه= ما انت مثله لو يعد اسمك مع كبار الاسامي لاتفك الباب للي مختفي مثل النعامه= يفصل الاولى عن الاخرى مثل فصل السيامي سلامة الجعفري
انته تقوله واقوله يرحم الباري عظامه = بس ماني قايل ٍ عقبه على الدنيا السلامي البلد واحد وبعض الناس يبغى الانقسامه = كيف ياكاتب تبي تنقد بعيدين المرامي كاتب الجعفري
قلت بانك قد سمعت البلبل وجتك انسجامه= خايف انك تنسجم بكرة على نوح الحمامي اعرف ان الناس ماتشاركك في دفع الغرامه=واللقاء بكره على هداج مروي كل ضامي سلامة الجعفري
والله اني معتدل وامشي بدرب الاستقامه = والصحيب اللي تعرفه له صلاه وله صيامي ابتسمنا من كلامك وانت هات الابتسامه = مثل ماقيل الحرامي صعب يسرق له حرامي |
رد: سلامه عاجلااا
الله الله
وين سلامه وانا بين الصفوف |
رد: سلامه عاجلااا
هلا فيك يابو عيد
شرفتنا يالذيب |
رد: سلامه عاجلااا
عذرا سلامه عندي شغل ضروري الليه نكمل
|
رد: سلامه عاجلااا
الله الله
وماسكين الصفوف معاكم مبدعين عيني عليكم بارده |
رد: سلامه عاجلااا
الله الله
صحة الالسن والقلوب مبدعين وانا هالمره بصف كاتب ولايهون سلامه متابع .. |
رد: سلامه عاجلااا
الله الله
صحة الالسن والقلوب مبدعين |
الساعة الآن (08:46 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه