قالوا حبيبك يسمع الشعر قلت إيه= يقراه بعيوني قبل تسمعونه
لولاه حتى طاري الشعر مابيه =ميراكتبه من شان خاطر عيونه
هو روح شعري وامنياته وماضيه=جذع الشجر وش كان لولا اغصونه
اكتب لغيره والقصايد تجي فيه =كن القصايد حالفه ماتخونه
هذاك لامنه زعل قمت اهاديه =حتى وهو مخطي تعذرت دونه
يمكن لوانه يلمس الجرح بيديه =يستغرب ان اللي لمسها طعونه
ابطى وهو غايب وزلت حراويه =وأنا من العام اتحرى مزونه
هومادرى اني في غيابه محاتيه =ليته نشّدعن حالي اللي يجونه
وقلبي اللي توه افلت عراويه =كيف انسرق وضلوع صدري حصونه
عجزت ارده كن ماني براعيه =يوم انتثر شوقه وهاضت اشجونه
يبسن عروقه لكن اللي يعزيه=ان اكثر العالم تردد لحونه
خافوا من الله لاتجيبون طاريه =لاصرت انا موجود لاتذكرونه
لو كل غالي جابه الله لغاليه =ماشفت لك مخلوق تبكي عيونه

المشاركة الأصلية كتبت بواسطة ابن هندي (المشاركة 263234) صباحك سعاده وسرور وصح لسانك ولسان كاتبها تحياني

المشاركة الأصلية كتبت بواسطة بنت الكحيلا (المشاركة 263237) اختيار جميل اخوي نافع الله يعطيك العافية لك فائق الأحترام

المشاركة الأصلية كتبت بواسطة نافع عيد الجديد (المشاركة 263233) قالوا حبيبك يسمع الشعر قلت إيه= يقراه بعيوني قبل تسمعونه لولاه حتى طاري الشعر مابيه =ميراكتبه من شان خاطر عيونه هو روح شعري وامنياته وماضيه=جذع الشجر وش كان لولا اغصونه اكتب لغيره والقصايد تجي فيه =كن القصايد حالفه ماتخونه هذاك لامنه زعل قمت اهاديه =حتى وهو مخطي تعذرت دونه يمكن لوانه يلمس الجرح بيديه =يستغرب ان اللي لمسها طعونه ابطى وهو غايب وزلت حراويه =وأنا من العام اتحرى مزونه هومادرى اني في غيابه محاتيه =ليته نشّدعن حالي اللي يجونه وقلبي اللي توه افلت عراويه =كيف انسرق وضلوع صدري حصونه عجزت ارده كن ماني براعيه =يوم انتثر شوقه وهاضت اشجونه يبسن عروقه لكن اللي يعزيه=ان اكثر العالم تردد لحونه خافوا من الله لاتجيبون طاريه =لاصرت انا موجود لاتذكرونه لو كل غالي جابه الله لغاليه =ماشفت لك مخلوق تبكي عيونه الشاعر متعب التركي