صالح السالم
جيت يا كاتب وجبت الكلمه المدروسه=والنصايح ما تباع بغالي الاثماني اعرف الدرب العسر يالذيب قبل اتدوسه=واستمع لي عدل وافهم زين يا ذيباني كاتب الجعفري
مرحبا ياشاعر ٍ مرسل علي عسوسه=واحمد الله يوم توه ميز العنواني والله ان الراجحي ماينقصن فلوسه= مار هد اعصابك وعوذ من الشيطاني صالح السالم
من يحطك بين نيبانه وبين اضروسه=لا توقع منه ياتي لك بعلمٍ ثاني ومن تمسك بالخطاء ناطا على فاعوسه=لو طموحاته تعدت هتلر الالماني كاتب الجعفري
صالح السالم علي اليوم يرفع موسه=يوم هو ضايق يدور عني ويلقاني بعد مااكلتوا ثمار الشجرة المغروسه= لو تحججني لمكة عشر ماتجزاني صالح السالم
ما جحدنا طيبك وفعلاتك المحسوسه=بس لا تلحق جزيلات الفعول امناني والمشاعر فعلها بالعقل مثل السوسه=تدخل العظم الكثيف وتعدم الاسناني كاتب الجعفري
لو تشوف الطيب تجزى الطيب مثل جنوسه=ماتجازي بالاساءة راعي الاحساني لو عرفنا خافي الرجال من ملبوسه= كان خلينا البضايع داخل الدكاني صالح السالم
لو قبل تدخل على شط الخليج اتقوسه=كان ما جبت الكلام اللي بلا برهاني لا تجي وتجاري الربان والا اتروسه=وانت ما تعرف كثر ما يعرف الرباني كاتب الجعفري
بعد ماكثر الذهب بالديرة المانوسه= كل رجال ليا مريت به عشاني يابن سالم ماجهلنا بالزمن ودروسه= عارفين الصاحب الوافي من القوماني صالح السالم
ما علينا من يهود الغرب والا امجوسه=لا تطيع لواحدٍ ما يذكر الرحمان ما استمع للكلمه المعوجه المنكوسه=والصحيح ان جيت له عدوانكم عدواني كاتب الجعفري
لاتحسب النار فيها حبة محموسة=الله اللي رازق المسلم مع النصراني السوالف كلها باوضاعنا الملموسة= لكن الاخوان مهما صار تبقى اخواني |
رد: كاتب الجعفري
الله الله صح السانك وبانتظار الشاعر القدير كاتب الجعفري
بين الصفوف |
رد: كاتب الجعفري
اقتباس:
تقديري |
رد: كاتب الجعفري
نافع الجديد
اشكر مرورك العاطر ولاهنت يالذيب |
رد: كاتب الجعفري
يعطيك العافية ياصالح وبيض الله وجهك
استمتعنا معك وطااااروق لن ينسى تحياتي لك |
رد: كاتب الجعفري
صحت السنتكم والى الامام دائما
|
رد: كاتب الجعفري
صحة الالسن والقلوب ولاهنتو
وعزالله من اجمل الطواريق بالفتره الاخيره مبدعين .. |
الساعة الآن (07:10 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه