الموت ماهو وداع الروح ياروحي=الموت برد اليدين ودمعة الفرقا
هاتي جروحك وحطيها على جروحي=وارواحنا تلتقي فالغيمة الزرقا

يانوت يوم ان الزمن قالب رداه=شيٍ طبيعي لوتخون الليالي
يوم الشعر كلٍ يغني لليلاه=انا احترم حزني وشعري وحالي
يانوت يوم الليل مسرى سريناه=ماللشعر عذرٍ اذا مانحنى لي
يشره علينا الحزن يوم نتعداه=شرهة دموع عيون غالي وغالي
الحزن ماهو كذبةٍ لجل ننساه=يامانزفته دمع لاصرت خالي
ياما وفينا والوفا مالقيناه=ولاطاب فال الجرح ولاطاب فالي
يانوت راحت وتركت لي بقاياه=عطر ورسالة شوق هي راس مالي
طفل الحنين يحد شوقي على اقصاه=بس الصدر ماعاد صدرٍ شمالي
كانت وطن يكتب لي الحلم واقراه=وكانت مثل بيدٍ مطرها وصالي
وكانت دفاتر حلمنا اللي رسمناه=وكانت مواعيد الغلا والغوالي
كانت مثل اسمي لزوم اتحاماه=اموت من دونه واطوح عقالي
يانوت كانت تلجم بوصلنا افواه=وكانت فضا واسع اذا ضاق بالي
الموت لامن عشت حلمي بلياه=والموت لامن طيفها جا اقبالي
لو تنبت الضحكة على ارض المعاناه=ولو تنفع العاشق ليالٍ خوالي
ماضاق صدري لا ولا الهم خاواه=ولا طاحت الدمعة ولاجف جالي
يانوت لو ان الزمن قالب رداه=لابد ماتعطف علينا الليالي
بطلت اعيش الضيق واعزف لليلاه=واوعدك لاخذ ثاري ومابقى لي

نوت هي ابنتي تبلغ من العمر ثلاث سنوات

رافقتني كثيرا وتشعر بكل مااحس به

عندما لا اجد احدا

لومات في وصلك رجا الشوف والصوت=مامات في قلبي غلاك ومكانك
تبي تعرف الموت لاقالوا الموت=شفني وانا انزف كل ليلة عشانك

هنيئا لنوت
وهنيئا لك بنوت
حفظها الله لك
نص قرأته مسبقا
متعب السبهان
حضور الكبار
لايمكن امامه سوى الصمت

ولكن هذا البيت يتردد صداه كثيرا

تبي تعرف الموت لاقالوا الموت=شفني وأنا انزف كل ليله عشانك