أقبل يحرك خطوة الرجـل برفـوق =والقـاع لمصافـح خطـاه يتشـوق
مخلوق لا كنه ماهو بـأي مخلـوق =علـى بنـات آدم وحـواء تفـوق
عليه لبسٍ يجمع الوسـع والضـوق =موسع بعضـه وبعضـه مضـوق
مر وتعدى مابـدى منـه منطـوق =إلا أنـه بجيـش المفاتـن مطـوق
خلاني أمشي وأقضب الدرب واتوق =مانـي بتايـق فكـر لاكـن متـوق
تقول مرميٍ على الأرض من فـوق =ولا من السـم السقطـري مـذوق
يغفى علي شـوي وشـويٍ أفـوق =وأقول لا أستيقضـت والبـال روق
مادام لا أمعوق ولا صايبـه عـوق =وراه يمشي مثـل مشـي المعـوق
اللي على حاله خطر من هل السوق =مفروض يمنـع مايـروح يتسـوق

المشاركة الأصلية كتبت بواسطة هيـاا العـازمـي (المشاركة 271994) . . . المتميز في الاختيارات .. ابن هندي إنتقاء رائع ويدل على ذائقه لا يعلى عليها والدليل العنوان في أعلى المتصفح ;) اللي على حاله خطر من هل السوق ........... مفروض يمنـع مايـروح يتسـوق انشهد وربي :) يصح لسان وفكر شاعرها ولا يهيينك تقديري هيــــاااااا

المشاركة الأصلية كتبت بواسطة الجادل (المشاركة 272006) اللي على حاله خطر من هل السوق ............... مفروض يمنـع مايـروح يتسـوق القدير ابن هندي كعادتك إختيار رائع تقديري

المشاركة الأصلية كتبت بواسطة محمد الدلماني (المشاركة 272008) ياهلا بالرائع ابن هندي وكل الشكر على هذا الاختيار مر وتعدى مابـدى منـه منطـوق=إلا أنـه بجيـش المفاتـن مطـوق