يامبارك اصحى لاتهزك هواجيس = السيف قاسي ماثلم حده سيوف
ليل العنا لامرني بالوساويس =واقفى يلوج بوسط الاضلاع ويطوف
كنه يدرس غافل القلب تدريس =من تجربة واقع ومن قسوة ظروف
الفرق ماهو في حدود المقاييس = الفرق فعل" يفرق الورد والصوف
والصبح واضح مايبي له فوانيس = رجل"مشابه مادخل قلبه الخوف
جرح" يجي خلسه وزور" وتدليس = وجرح" يجي بيدين الاصحاب مكشوف
ورجل" يجرب معدن الطيب ويقيس = حد الرجوله لاصبحت هز بكتوف
ورجل" سلامه يعتبر فيه تدنيس = ماهو بري لو يلحق حلوف بحلوف
ماني ابالطيب ولاني بابن قيس = شاعر واصيغ اللي بدالي من حروف
امشي على درب النقا والعن ابليس = واخاوي الطيب على كل معروف
واشوم عن فعل الردى والمفاليس = وارفع مقامي لاحكى كل ملقوف
عندي خبرهم خايبين" متاعيس = شلة حواري , مسكنه , دجه , ضعوف
اشوفهم بالعين خلف الكوااليس = واغض طرف العين ماكني اشوف
ادريبهم ياحبهم للواليس = وادريبهم ماغير تصفيقة كفوف
جمهور شعر" يتبعون الملاحيس = ليامن قصد ياليل ياعين يااوف
ساحة معارك كل ابوها جواسيس = لكن ترا برحه ولو كانوا صفوف
لاتنزعج لاشفتهم بالمتاريس = ولاشفت عصمان الشوارب ورا نووووف
ويامبارك اصحى لاتهزك هواجيس = وعن فزعة المحتاج لاتقصر الشوف

من المحزن جدا" عندما يخيب ظنك في شخص كنت تتوقع منه الكثير

ومايحزنني اكثر انه لايعلم انني اراه وهو خلف الكواليس .

جـرح" يجـي خلسـه وزور" وتدليـس
وجرح" يجي بيدين الاصحاب مكشـوف

الاول اكثر ألمً من الثاني

لكن عندما نتذكّر انه لايرمى الاّ الشجر المثمر هنا نتوقّف قليلاً وربما نعتبرها مقاييس لمانقدم وضريبه كذلك0
ظاهره ليست جديده وفى النهاية لا يصح الاّ الصحيح0


أقراء قصيدتك هذه وكأني أراها وليدة الموقف وردة فعل فوريه ومع هذا ابدعت برسم الصوره ونقلها بأتقان

ولاغرابه فا انت شاعر متمكن 00

صح لسااااااااااانك وسلم فكرك

احترامي وتقديري