( فـــــنجـــان .. الدم ) ..!! للشاعر خلف المشعآن
مدخل : يقولون العرب صدر الشمالي مايضيق بساع ............................... وانا اقول الصدور اليوم ماعادت شماليه ويجب ان لاتكون شماليه حينما يصل الامر لان تمتد يد الهابطين لتعبث بتاريخ قبائلنا وامجادها محاولين تشويه صورة رموز من رموز قبيلة عنزه ، :: : صوت مرتفع باتجاه الشامخ ( انور الثامر النوري المهيد ) : : : سلام مني للوجيه المطاليق ........................... في مجلس تصتك ، فيه الخليقه : : مجلس مصوت بالعشا ساعة الضيق ........................... المدح لاهل المدح يعرف طريقه : : ابلش بمدح اللي علومه تلافيق .......................... والا انت يوم امدحك قلت الحقيقه : : مدحك يوافق مع جميع الطواريق .......................... وفيك الشعر تزداد لمعة بريقــه : : يوم ان غيرك للخوندات عِشـّيق ........................... الطايله في قلب كفك عَشـِيقه : : بك ميزة ٍ ماهي بكل المخاليق .......................... تطيق شي ٍ بعضهم مايطيقـه : : ماابعد من الصدر الشمالي عن الضيق ....................... الا مدى نظرتك ، بين الخليقه : : ان كان غيرك شبهوا مجده طويق .................. مجدك جبل طارق وغيرك مضيقه : : لايزعجك ياشيخ هرج المطافيق .......................... اللي يبون المجد باية طريقه : : حامض على بوز الرخم والبطاريق ........................... تاصل مواصيل الحرار الطليقه : : ماكرك يابن مهيد روس الشواهيق .......................... لاتلتفت ... يم الغراب ونعيقه : : الصيت عمره مايجي بالتوافيق .......................... ورثٍ ورثته من سلايل عريقه : : من قبل مقحم والفعايل مواثيق .......................... وشهادة ( ابن سعود ) اكبر وثيقه : : واللي يبي يلفّق بالاحداث تلفيق ............................. دمه قبل ( فنجال دمه ) نريقه : : : : : منقول من صدر الشمالي .. |
رد: ( فـــــنجـــان .. الدم ) ..!! للشاعر خلف المشعآن
صح السانك والسان الشاعر خلف المشعان
ويستاهل الممدوح تقبل احترامي وتقديري |
رد: ( فـــــنجـــان .. الدم ) ..!! للشاعر خلف المشعآن
صح لسانك ولسان خلف المشعان
ابيات لها صداها الكافي |
رد: ( فـــــنجـــان .. الدم ) ..!! للشاعر خلف المشعآن
صح السان الشاعر / خلف المشعان
وسلمت يمينك على هذا النقل الرائع وقصيدة رائعة يستحقها الممدوح ونعم فيهم جميعاً تقبل تقديري |
. . الله لا يهيينك يا محمد على حُـسن الانتقاء :) يصح لسان وبووح وفكر خلف المشعان قصيدة وافيه من راس وافي وجزل ويستاهل الممدوح عز الله في انتظار المزيد اخوي محمد .. فلا تبخل تقديري هيــــااااا |
رد: ( فـــــنجـــان .. الدم ) ..!! للشاعر خلف المشعآن
محمد الجضيعي صح السانك والسان الشاعرالكبير/ خلف مشعان قصيده رااائعه كل بيت اجمل من الثاني ويستاهل الممدوح جميع ماقيل فيه تقبل احترامي وتقديري |
رد: ( فـــــنجـــان .. الدم ) ..!! للشاعر خلف المشعآن
اقتباس:
|
| الساعة الآن (06:13 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه