من شمال وجنوب من جميع اتجاه= كنها العاصفة في وسط صدري تلوف
فيه شيٍ بقلبي مافي احدٍ قواه=نوب مثل الرماح ونوب مثل السيوف
ارتجاف الاصابع وانكسار العصاه=والمواجع وهم عاش بطراف خوف
لا جزى الله من حط بطريقي حصاة= خير يا عل شمسه دايمٍ في كسوف
الخناجر طعون اخر مداها الوفاه=كنها وردةٍ تضحك على كف نوف
والبحر لو شربته ما يرويك ماه=كنه الكذبه اللي كل ابوها حلوف
جيت شطه وقلت اشوف كيفه وراه=كن موجه كلام وكن مده حروف
والهوى صلف يحرق من تنطح سناه=والضما يقتل الطرقي وعينه تشوف
ياكذب الشعر وش خليت لجل الرواه=وياصدق الشعر ما بيضت وجه الحروف

المشاركة الأصلية كتبت بواسطة صقر الصقور (المشاركة 276475) احمد العواد صح لسانك على هذه الرائعه

المشاركة الأصلية كتبت بواسطة سالم صالح (المشاركة 276512) احمد العواد صح السانك كفيت ووفيت قصيدة رائعة من شاعر راائع سلسة وفيها من التشبيهات الجميلة مايميزها كثيرا وذات قافية رائعة تقبل تقديري وبانتظار جديدك