يا فارج الضيقات تفرجهـا ليـا ضاقـت علـي=ماغيرك أحد يفرج الضيقات وأنـت المستعـان
أنت الله الوالـي ولا غيـر الله الوالـي = ولـيأقولها من قلب مؤمـن بـك وينطقهـا اللسـان
ياكثـر زلاتـي وغلطاتـي وظلمـي وجهلـي=أزل وأخطـي والخطايـا بالدقايـق والـثـوان
ولعل ربـي مايحاسبنـي علـى قـدر عملـي=يدخلنـي الجنـة بواسـع رحمتـه والأمتنـان
البارحـه فكـري يعاندنـي وصـدري ممتلـي=هم وهواجيس وألم وأحزان من غـدر الزمـان
عديت مع حزة غروب الشمـس راس المعتلـي=جلست ليـن مؤذنيـن الفجـر نـادو بـالأذان
حاولت أسلي في طويل الرجـم قلبـي ماسلـي=نزلت من راسه وأنا عشـري معودتـن ثمـان
أحس مابين الضلـوع العـوج نـار تستطلـي=منها غلا دمي وفكـري وصـل لحـد الجنـان
عرفت بأن العمر مزنة صيـف لحظـة تنجلـي=لو أمطرت لو حن راعدها وفيهـا البـرق بـان
وأني مفارق لو يطول العمـر ربعـي وأهلـي=وأصير في محور حديث الناس من بعدي بكـان
وعرفت بأن الصبـر نعمـة فاضلـة للمبتلـي=أصبر كما صبر الجمل وأعزم كما عزم الحصان
وعرفت رفقة من يقول أنه يبيـع العمـر الـي=لكنهـا تصبـح هبـا منثـور لا مـس البطـان
يضحك بوجهي والحسد في داخله يغلـي غلـي=رفيق لاكـن الرفاقـه بعضهـا مالـه ضمـان