°~*¤®§(§ شبـــكة ويــلان العـربـيـه §)§®¤*~ˆ°

- منتدى المختارات الشعريه (http://www.weelan.com/vb/forumdisplay.php?f=10)

- - حظي مع ايامي يزيد انخذاله (http://www.weelan.com/vb/showthread.php?t=17703)

حظي مع ايامي يزيد انخذاله

-حظي مع ايامي يزيد انخذاله !!
لاقام مره .. طاح عشرين مره
وفكري بركب الهم طال ارتحاله
همه على نار التعذّب يجره
لبست من ضيم الزمان ولياله
ثوبٍ يد الحرمان دايم تزره
وشربت كاس الصبر حتى الثماله
وافلست من حلوه وعانيت مره
ليل الشقا زامل حياتي زماله
زمالةٍ منها نقلت المضــره
شكواي للي كل حيٍ شكى له
ربي ولايجفاه مثقال ذره
يُعوض من يرجيه مما جرى له
ويزيل حزنٍ في ضميري مقره
يالايم المجروح في مامضى له
لومك وعذله يوجعه مايسره
كلٍ يجي له في حياته جهاله
لو يعترض دنياه لازم تغره
واللي عرف ميله يميز عداله
والكي نفعه مايجي دون حره
المشكل اللي يندفع فيه باله
تفكيره الضحك بسلوكه يضره
يمشي على عمياه من شين فاله
لافاد خيره ولاكفى الناس شره