محاورةبين الشاعرين خلف مشعان و حامد زيد
 

محــاورة شـبل الشمال .. وحامد زيد
جرت في منتديات المرابع .. وحبيت انقلها علّها تعجبكم ..




.
.

(( خلف المشعان ))
تعال .. نتعلل ياحامد زيد
ودي بطاروق معك .. إذا سمحت ..






سلام من شبل الشمال .. افمحله
للشاعراللـي مايبيلـه شهـاده
كان انت حامد زيد .. فالحمد لله
والا الزيـاده ماعلينـا زيـاده





.
.

(( حامد زيد ))






خل السوالف بيننا مسفهلـه
يالشاعراللي تستحق الاشاده
ان جاك حامد جالك الشعر كله
لكن بوصيك التزم بالركـاده





.
.

(( خلف المشعان ))






يامرحبا... لا جيت نعطيك فله
نمدهالـك لا بغيـت بهـواده
الشعر .. درب وصار كلٍ يدله
لكن .. قليل اللي براسه قراده





.
.

(( حامد زيد ))






ارحب وكلن مننا في محلـه
و الكل منا عارفن وش مراده
لو كل شاعر له جماعه وشله
انا الوحيد اللي وقفت بحياده






.
.

(( خلف المشعان ))






لاتسبّق .. بسيفـك علـي وتسلـه
كل ٍ علـى ماقيـل يركـب جـواده
لين .. نتلاقى .. وسط ميدان ( زله )
محدٍ معاي .. وناطرك .. بالحمـاده






.
.

(( حامد زيد ))





قلنا وقلنـا والسوالـف مملـه
عطني علومك لا تسولف زياده
باكر دوامي وانت لي صرت عله
اسهرتني وانـا وراي الوسـاده





.
.
(( خلف المشعان ))






بعض النخل .. ماهو على شوف ظله
اغرتني عذوقه .. وشفـت السـواده
اثر السواده .. فوق راسـك مظلـه
متسلقـي ٍ .. والله يـرزق عبـاده






خلف يقول لحامد زيد : لا تسري القاف الله يطولي بعمرك ... مهو انا اللي يعلمك






.
.

(( حامد زيد ))
لان البدايه كانت عندك فمن البديهي ان تكون النهايه عندي.... لذا:








ما هو ب انا اللي في قوافيه خله
الشعر انا ملحـه ومايـه وزاده
اوثق قياده ... بحبري واحلـه
واقيده وارجـع واحلـل قيـاده






.
.
(( خلف المشعان ))
سلمت .. سلمت .. يالذيب ..
الجايات اكثر





ابشر بمـن يعقدلـك حبالهـا عقْـد
فالمقبلات ... ان كان ربك .. كتبهـا
لو حاولوا فيها هـل الشعـر والنقـد
لا من نصبها .. الشبل .. محد ٍ قربها

رد: محاورة الشاعر خلف مشاعن والشاعر حامد زيد
 

يعطيك العافيه على النقل المميز

وصح لسان خلف ولسان حامد

لاهنت تقبل مروري

رد: محاورة الشاعر خلف المشعان والشاعر حامد زيد
 

محاوره رائعه من الوزن الثقيل سلم ذوقك وسلمة يمينك على النقل الرائع ولا تحرمنا من جديدك

رد: محاورةبين الشاعرين خلف مشعان و حامد زيد
 

يعطيك العافيه على النقل المميز

وصح لسان خلف ولسان حامد

تحياتي لشخصك الكريم

رد: محاورةبين الشاعرين خلف مشعان و حامد زيد
 

تسلم ع النقل الرائع اخوي فهد
عز الله شعراء تضرب بهم الامثال
تقبل مروري