فزَّ الخفوق وثاعت بنبضـه الخيـل=تركض على حِدْبَ الظلوع المتينـة
إتثير نَقْع العشـق هـمُّ وغرابيـل=وتعمي فْـؤادي عَـنِ دْروب دينـه
وْتَجذبـه جـذب الوتـر للمواويـل=تعزف على ماضيه ذكـرى حزينـة
إتبثْ في شاشـات عينـي هماليـل=عبْر الحنين اللـي يخايـل سنينـه

ياظنِّي المأثوم عن هاجسي خِبت=لاتنهـزم وتقـول طـوَّل غيابـه
يجيك لا اشتدَّ الوطيس وتصوَّبـت=متحيزم القيفـان باحلـى ثيابـه
كالسيل متحدِّر من الشِعب للخَبت=يستفزع الفجَّ العميـقُ وْشعابـه
يسقيك مدري يغرقـك لا تعجَّبـت=يموج بجيوش الجزايـل مهابـة
أما انت ياللي بالمحبـة تعذّبـت=واهدرت عمرك بين لهو وصبابة
لك مهرةٍ تاخذ عليها الهَذَب رَبت=تزفر ملي جوفك وتشهق عذابه

ياعادل اسمح لي أبا اخـرج عـن العـادة=واسـج فالهاجـس علـى غيـر ميعـاده
ودّي أضـرّع عِجْـزَ الافـكـار بالـقـوَّة=في قـاف مستعجـل علـى يـوم ميـلاده
لدَّ النظـر يمّـي وشخّـص لـي عيونـك=خلَّ النظـر يسـري علـى قـاف وقَّـادة
واسمع صدى طرقي على بـاب هوجاسـي=ولاَّ رجيـف القلـب لا أســرع زيــادة
أطلق هجوسك بالخـلا وقـول : جيبينـي=ويني مـن اللـي عـن الاطـلال قصَّـادة