الصبر يفتح للامل عدة ابواب = مثل الصباح اللي يشعشع بريقه
بعد الظلام الحالك اللي له اسراب = غطى نهاري هم ليلي وضيقه
وانا صبرت ونلت مجموعة القاب = حتى خذيت المجد باسمي وثيقة
رقيت باقدامي على قمة هضاب = اخايل العليا وابسلك طريقة
واداحم جموعٍ لها عرف واداب = وملكت باصراري مكانة عريقة
رفعت عمداني وثبت الاطناب = وشديت بحبالي معاني عميقة
واذا سواد الليل للدرب نهاب =شبيت قيفان القصايد حريقة
حتى يصير لذكرها علم وكتاب = وتاخذ مزايا من وجيهٍ طليقة
هذا ترى شعري على كل مرقاب =اعلامه ترفرف بوسط الحديقة
قطفت منه للهوى حلو الاعناب = واخذت من جزل المعاني رحيقة
والا انت لا طالب ولا انت بطلاب =ماتعرف تميز وصوف الحقيقة
لاصار مالك مع هل الصيد مخلاب = لا تهد طيرك مع حرارٍ تعيقة
هذي نصيحة واقبل العلم بإيجاب =لاتجيك زفرة قولنا مع شهيقه
واللي يتعلم من دروسه والاسباب = يحسب خطاوي جيته من مضيقه