يا سيدي واسم الهلال يكفي
قبل ابتدي باسم الله الرحمن= الواحد المعبود ماله ثاني سلام يا مشعل ولد عبدالله =تسليمةٍ بالورد والريحاني يا ميرنا المحبوب غيث الديره=غيث البلد واهل البلد والعاني والليله الليله يجي بالليله=علمٍ يشوفه قاصي العرباني اغلا مباراه نتوقع فيها=فوز الهلال بساحة الميداني خصٍ الى جت هجمةٍ مرتده=ثم ردها المرشد على القحطاني وان مسكها القناص وسط الملعب=جا النصر من نوع العذاب الواني هذا هدف يا سيدي متحقق=هز الشبك هزت غصون الباني يستاهل التشجيع من جمهوره=تشجيع من قلبي بعد ولساني يا سيدي واسم الهلال يكفي=فوق الثرياء تشهد الاعياني في ظل قايدنا الملك عبدالله=وبدعم منًك يا حفيد الباني |
رد: يا سيدي واسم الهلال يكفي
سعد حجيوي الله يعطيك الف عافيه على القصيده الراااائعه ويستاهل الهلال والهلاليين جميع مايقال بهم لاهنت يالغالي لك اجمل التحايا والاحترام |
رد: يا سيدي واسم الهلال يكفي
ونعم والله بالزعيم ... ^_^
والف شكر لك اخوي سعد على هذه القصيده وأجمل ماوصلني من ابيات على أول ما اعلن الحكم فوز الهلال
حنا رفعنا النصر وحنا نصله=من عالي القمه الى حدر الاقدام لو تنشد التاريخ يومٍ تفله=قال الزعيم اللي على النصر ضرغام وصح لسان كل هلالي وهار لكل نصراوي ^_^ |
رد: يا سيدي واسم الهلال يكفي
صح لسانك مليااااار
والف مبرووووك للزعيم يستاهلون والله الف شكر يالغالي : : |
رد: يا سيدي واسم الهلال يكفي
الله الله عليك ( سـعــد حجـيوي ) يستاهل الزعيم مجهودك الرائع الذي تشكر علية صح لسانك يالذيب تحياتي لك . محمد الراجح ,, |
رد: يا سيدي واسم الهلال يكفي
صح الله لساانكـ
اخوووووووي سعد ولاهنت .............. والف مبررروكـ فووز الزعيم ولاجديد ففوزه هو العااده تقبل مروري المتواضع اخوكـ طــــــــــلال الايـــــــداء |
رد: يا سيدي واسم الهلال يكفي
كفشناك ياسعد
اثريك هلالي ما اقول الا صح لسانك مليون والله يعطيك العافيه وانت تستاهل كل الطيب بس عاد هالقصيده خساره في الهلال اعذرني ما اطيقه هههههههههه |
| الساعة الآن (01:07 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه