الله خلق عبده عشان العبادة=ماهو عشان مفاخر العرق بالعرق
صح ان فالدنيا عبيد وسادة=لكن عند الله مابينهم فرق
خلك بسيط الكبر ماهو بعادة=لا تسرقك دنياك عن خلقتك سرق
خلك صبور وخل عندك ارادة=ولا صرت راعي ضو فأصبر على الحرق
لولا الصبر والمعرفة و الركادة=ما تجرح العشاق ترنيمت الورق
واذ بتسيد فالمراجل سيادة=خل المراجل باب وسيادتك طرق
خلك ذكي واخذ الأمور بهوادة=ولا صدت وثب لاتجي صيدتك زرق
واليا عشقت اعشق من الحور غادة=حورية(ن)في بحرها يحي الغرق
ان زعلت زانت بعينك زيادة=وان ضحكت كنها تنافس مع البرق
واذا أدور فالحياة السعادة=اسجد لربك سيد الغرب والشرق

المشاركة الأصلية كتبت بواسطة عوض بن خميس (المشاركة 289918) الاخ الغالى على قلبى ابو عادل اختيار جدااااا رائع من رجل رائع ذائقة متفردة بصور الجمال لله درك تقبل تحياتى واعجابى ومودتى

المشاركة الأصلية كتبت بواسطة نافع عيد الجديد (المشاركة 289919) الغالي ابو عادل صح لسانك ولسان شاعرها سعد علوش قصيده في غاية الروعه والجمال دائما مميز اينما كنت لاعدمناك لطك المحبه والتقدير

المشاركة الأصلية كتبت بواسطة سعود المسعودي (المشاركة 290212) ابو عادل بيض الله وجهك على الحضور الجزل ياجزل صح لسانك وصح لسان شاعرها تحياتي