ممدوح وش طلع الدخان =فطن على القلب مافاتي
ياماحلا لمت البدوان =انجورها تصوت صواتي
في فضتة قاعها رويان=وامشي على كيف مشهاتي
ماريد فلة ولا بستان=وليه مع الذود خلفاتي
ولاشوف مطرب ولا فنان=ولا فاصل للعلاناتي
وللي بنى للارهاب كيان=مدحرجة روس الامواتي
وتخلط الفاضي مع المليان=ازهق ارواح برياتي
يالقدس بحماية الرحمن=شفرت كل القنواتي
والرادي الى بقى خربان =ودي احذفه ولا يحاتي
وصلاة ربي عضيم الشان=على النبي كل الاوقاتي

المشاركة الأصلية كتبت بواسطة نافع الاسود (المشاركة 290057) يالقدس بحماية الرحمن=شفرت كل القنواتي بيت يطرح كمن هايل من الاسئله بنت راشد شاعره تحضر بحضور ملفت فمن لم يدقق بقصايدها لايعرف سر الغموض فهي دايم تناقش المواضيع الساخنه سواء على الوضع الداخلي او الخارجي ادخلتنا بجو الماضي والحاضر صح السانك يابنت راشد تحياتي وتقديري لكي