يـا صـاحبـي هـذي السـوالــف مهي لـي=عمــر الصقــر ما هيبـتْـه الحمــامــــه
أحـدٍ يجــي ويقــابـــل الســي بالســـي=أمـــا انــا أقــابـلـــه بــابـتـســــامــــه
منـهـــاج قـلبـــي يـرسمـنــــه لــه ايــدي=يـعنــي يمــوووت ولايـبـيــع احتــرامـــــه
مـا همـنــي هــذي وهــذي ولا ذي=قـلبــــي يـهيــم ولا يـهيـنـــه هيـامــه
يـا حــاجــة الضميــان في رشفـة المـي=فـي مـوقـعٍ عيـت تشيـلـه عظــــامــه
هـي حـاجتــي بالضبـط لاشعة الضـي=يمـكـن يـودع بعـض ليـلـي ظـلامــــه
تـدري متـى تبـكـي صـديـقــك وهـو حــي=إذا دريـت إنــه يـبـيـــع الكــرامــــــه
يـا وي من وقـت التعـاجـيـب يـــا وي=كـل ٍ يقـــول انـا زعيـــم الفهــامـــــه
اسمـع كـلامــي وانـتـظـر انـطـر شــوي=خــل المـلامــه خــل عنـك المـلامــــه
إذا فقـدتـك أنت بالـــذات مـن لـي=أبـقــى وحيـــد ليــا نهـار القيـــامـه
وإن جالـك السـافــل يبــي خوتـك عـــي=واللـه ليـطـلــع لـك من الطيــب شامــــه
لا تعتـذر ما تجتـمـع شمـس مـع فــــــي=عـذر البخيـــل إنـه كثيــرٍ صيــــــامـه
قـالـــوا من أول آخـر علاجـها الكـــــي=يمكن يفيـــد الكــي مـع الرخــــامـة
إن جيـت او ما جيـت عــادي ولا شـــي=مـوقـف وعــدّا وانتـهـــي بالســلامـــــه
تــدري متـى تبـكـــي صديقــك وهـو حـــي=والله ( قســم ) إن فـارقتــه الكـرامـــه

الاخ العزيز/ عبدالعزيز السعود
صح لسانك ولسان شاعرها قصيده في غايه الروعه والجمال
الله يعطيك الف عافيه على النقل المميز والرااائع ..لاهنت ياالغالي
لك اجمل التحايا والاحترام