مع سكون النفس واسهاب الانظار = ومع التـعمق فالحــــياه ومـــداها

كل شي من حولك يخليك تحتار = والحيره من المشكلات وصـداها

احيان نفسي تـدعي حل الاسرار = وتعرف طريق المعسرات وهداهـا

واحيان اقول اني على العرف مختار = واعرف دروب الطيب واعرف رداها

واحيان اقول العرف يبغى له اسفار = إيلــــــين تتعــبك الدروب وخـطاهـا

ياصاحبي ماعاد للقصه اخــبار = رحـلة شـقـى والـنـاس تبـغـــى نداهـا

رحلة وله والدرب تمزجه الاخطار = وانـا مـع الايــــــام مابغـى اشـقـاهــا

ماابي اصير لضيقة الو قت مشوار = لونـــــــهــا تــاتـي ابـرفضـى لـقاهـا

مادامها ضيقه تبي تجلب النــار = للقلب عقلي قـــبل تاصــــل محــــاهـا

قناعتي والدين خلو بي اصـرار = على رجا نفسي اتحصــــــــل منـاهــا

الله منحني كل عزه ومقــدار = بين الرجال اللي يــنـومـــس نــبــاهـــا

ماوقفت دنياي لو الزمن جار = والحزن قصه والزمن لي طواهــــــا

منهو صبر هقواته بعمره كبار = وقصة كفاحه في حياته بــــداهـا

لاتلتفت للضيق لو صار ماصار = كابر وتلقى ضيقتك منتهاهـــا

ولاتقول بأن الوقت قاسي وغدار = نفسك على نفسك قست من رداها

المشاركة الأصلية كتبت بواسطة سعد النفج (المشاركة 293501) ماجد العنزي .. . صح لسآنكـ .. نص جميل و راقي .. جلسة صدق بينكـ و بين نفسكـ و النظر في هذه الحيآهـ .. دمت بألف خير و منتظرين جديدكـ بشغف .. . ,

المشاركة الأصلية كتبت بواسطة طلال معيض (المشاركة 293557) ماجد الجعفري رائع ومبدع كتبت هذه القصيده من احساس راقي شكرا لك