°~*¤®§(§ شبـــكة ويــلان العـربـيـه §)§®¤*~ˆ° - الغـــــــــــــــــــيم..........................

- منتدي الشعراء (http://www.weelan.com/vb/forumdisplay.php?f=8)

- - الغـــــــــــــــــــيم.......................... (http://www.weelan.com/vb/showthread.php?t=18834)

الغـــــــــــــــــــيم..........................

الغيم هيض خافقن كان مرتاح =واعطاه من جو المشاعر مساحه
والشوق في وسطه غدا برد وارياح=ماأقواه شوقي لالفتني رياحه
و أن ناح طير الورق وان كان ماناح=قلبي على عمق الأماني نياحه
لبس من الآمال مايلبس اوشاح=واعلن مع الأيام قوة كفاحه
لو كانت الأيام باحلامنا أشحاح=كابر على الواقع وجهز سلاحه
لاشك كل أنسان ينظر للأرباح=ويبحث عن اللي يسعفه في جراحه
البحر هايج ماقطعه كل سباح=واللي يبي ياصل يجيد السباحه
قمة شعوري للغلا مرني و راح=ومشاعري للغير ماهي متاحه
قلبي على كثرة مراميه ماطاح =يثبت سوات اطويق يصعب طياحه
مرت سنين العمر مع هم وافراح=صفحات مكروهه وفيها مباحه
بها ورود الحب وعطور فواح=ينعش خفوقي ويبتهج بانشراحه
وبها صراع احساس ومضارب ارماح=في وسط قلبن منجرح من سماحه
الحب مايرحم على القلب سفاح=في كل حاجه ظالمه واستباحه
اللي يبي يبعد عن اجواه يرتاح=يملك فضاه ويترك الحب ساحه