يفداك من لا يدرك بمنصبه فود
أسعد الله أوقاتكم بكل خير ومحبة كتبت هذه القصيدة في أحد المناسبات في سعادة العميد / سعود مطلق النومسي وهي ترحيبية بهذا المتفاني في خدمة الدين والملك والأبن البار لوطنه وأنه ذو خصائل فضيلة لايحصيها التعداد , ويشهد الله أني لم أقـل هذا الكلام مجاملةً فالكل يشهد له ومهما مدحت وقلت لن اوفيه حقه وأنا أعتبر هذه القصيدة تقصر جداً امام هذا الشخص العزيز على القلب فـ أبو سلطان لا توفيه قيفان الشعر ولا نثر القلم ولكن لعل هذه القصيدة الترحيبية توفيه ولو بالقليل وإن شاء الله انها تنال استحسانه وأستحسانكم ---------- يامرحبا ترحيبة(ن) فيك يا سعود = ترحيبة(ن) مثل المطر كل حزه مقرونتن بالهيل والمسك والعود = مني يا أبو سلطان قدر ومعزه وأنت الذي علمك عن الشك مردود = يا نادر(ن) جزل الشعر تستفزه يفداك من لا يدرك بمنصبه فود = اللي على ما قيل ما غير رزه لا فك مظلوم(ن) ولا عز مضهود = والحق من دون اهل الحق جزه وله شرهة(ن) بين العرب مالها حدود = ومن لا يعز الحق ما الله يعزه والأ أنت علمك يا أبيض الوجه محمود = مقباس ظلما ما انولد من يهزه وطيبك مع الأجناب والربع مشهود = يشهد لك اللي جاك من ما يحزه من العلا لنجران ناصيك مقصود = ولقا الثناء مع كل طارش يكزه على النقا والطيب مافيه منقود = واللي يبا البرهان يمه ندزه وأعذر وسامح واخر العلم مجرود = ولا أذم من نال الفخر يوم عزه ولولا دخون العود وش خانت العود = خذها يا أبو سلطان قدر ومعزه ---------= الشاعر\سعود بن هندي المسعودي= |
رد: يفداك من لا يدرك بمنصبه فود
يـفـداك مـــن لا يـــدرك بمنـصـبـه فـــود = الـلــي عـلــى مـــا قـيــل مـــا غـيــر رزه
لا فـــك مـظـلـوم(ن) ولا عـــز مـضـهـود = والـحـق مـــن دون اهـــل الـحــق جـــزه ابو شجاع .. لن امدح في شاعريتك او في هذا النص الشعري فأنت لست بحاجه مني الي مديح او اشاده . فالكل يشهد لك بالشاعريه الفذه والصادقه في نفس الوقت . لن اقول لك الا شكرا على هذا المشاعر وهذا القصيده التي كتبتها في شخص يستحقها وهو العميد : سعود مطلق النومسي . نعم الرجل فمن لايعرفه شخصيا يسمع بأفعاله .. صح لسانك ابو شجاع وبيض الله وجهك |
رد: يفداك من لا يدرك بمنصبه فود
مقرونتن بالهيـل والمسـك والعـود ’’’’’’’’’’’’’’’’مني يا أبـو سلطـان قـدر ومعـزه وأنت الذي علمك عن الشك مـردود ’’’’’’’’’’’’’’’’يا نادر(ن) جـزل الشعـر تستفـزه يفداك من لا يـدرك بمنصبـه فـود ’’’’’’’’’’’’’’’’اللي على مـا قيـل مـا غيـر رزه الاخ العزيز/ سعود المسعودي صح لسانك ملاييين قصيده جزله من شاعر جزل الله يعطيك الف عافيه .. واكيد الممدوح يستاهل تقبل تحياتي |
رد: يفداك من لا يدرك بمنصبه فود
شاعر قدير يابن المسعودي
والممدوح يستاهل دمت بود |
رد: يفداك من لا يدرك بمنصبه فود
سعود المسعودي صح لسانك وبيض الله وجهك ومن لايشكر الناس لايشكر لله
ويستاهل سعو بن مطلق كل خير ومن حصل شيء يستاهله وانا اخوك تحياتي للجميع |
رد: يفداك من لا يدرك بمنصبه فود
اقتباس:
سعوووود شاعر ونعم بك وببو سلطان تحيااااتي لك فهد السلقااااااوي |
. . يصح لسانك وبووحك وفكرك ملاييين مراقبنا الفاضل قصيده جزله من شاعر جزل واكيد الممدوح يستاهلها والنعم فيكم جميع تقديري هيــــاااا |
| الساعة الآن (09:37 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه