يامعذبن قلب المولع فـي هـواك
أرفق حبيبي شوي لاتكثر زعـل

ترى الزعل لازاد عن حده هلاك
وربك لكل أنسان له حدن جعـل

خلك على خبري مسميك المـلاك
أضمك بعيني وأسمـي ياعسـل

وهذا وبعد انطر متى تمطر سماك
مشتاق للورد الاصفـر بالسهـل

أبقطفه بـس عاندنـي حصـاك
رفض رفض رفـض ثـم اقبـل

ومشتاق للعين والماي وضمـاك
والضمـى فينـا نسـده بالغـزل

الحلا فيهـم تـرى كلـه حـلاك
بس فيهـم زود عنـك بالجهـل

يحسبون الي مضى كلـه معـاك
ضحك وشويه الاعيـب وهـزل

الناس هـذي لاتعشيهـا عشـاك
حتى ولو كنـت ذابحلـك جمـل

ماهو بخل بـس هذولـه حشـاك
يزرعون الشر زرعـن بالهبـل

لا تلتفت للـي فوقـه مستـواك
وخلك مع الـي قـال ثـم فعـل

واذا تبيـه يزيـد فينـي غـلاك
أرفق حبيبي شوي لاتكثر زعـل


فلاح عشوي العنزي