وإليكم هذه الأبيات المتواضعة ،،
:

ما صدمني غير هقواتي وأنا = ما تهقوا بالردي ولا اللئيم
هقوتي بالطيّب اللي لا ثنا = يروي العطشان و يعز اليتيم
هقوتي تكبر الياجاد وبنا = ونخذلني طعنتاً وسط الصميم
طعنتاً تصدم مكامين المنا = انصدم وأقول من قلباً سليم
التمس له عذر وارفع له ثنا = ما حصل ما يمسح الطيب القديم
للظروف أحكام والدنيا عنا = وللمصالح دور لو كنت الحشيم
وإن طرا لي عدت للماضي فنا = ما تردى بالكريم ابن الكريم
ولا كتبت الشعر من شأن الغنا = اكتبه لا صار به بيتاً حكيم
وكان لاح البرق مع مزناً دنا = هو ربيع القلب والله العظيم
وربّعت واستبشرت داراً لنا = بقدرة الله محيي عروق الهشيم
زانت الطلعات ومفوز طنا = من ضجيجاً بالمدينة مستديم
قلت يا الله خوتك ليه منا = للديار اللي بها الخير العميم
نبي نمشي ون تمشى ون عنا = للفياض اللي سقاها الوسم ديم
ونترك الإزعاج بالديرة هنا = ونلعن الشيطان وإبليس الرجيم

الشاعر القدير/محمد المقبل

صح لسانك وعلا شانك على هذا الابداع المميز

الله يعطيك الف عافيه .. لاهنت ولاهان بوحك الرااااقي

تقبل اجمل التحايا والاحترام