°~*¤®§(§ شبـــكة ويــلان العـربـيـه §)§®¤*~ˆ° - وين الــــــــــــــرجولـــــــه؟

- منتدي الشعراء (http://www.weelan.com/vb/forumdisplay.php?f=8)

- - وين الــــــــــــــرجولـــــــه؟ (http://www.weelan.com/vb/showthread.php?t=19089)

وين الــــــــــــــرجولـــــــه؟

بالسوق نادني عسى الله يريعه=(.....) حسبني صيدتله ليا جاع
قال اصبري يا ام العيون الوسيعه=ردي على شخص متيم وملتاع
وشفيك خطواتك عجول وسريعه=شوفيني "أستايل" ونعوم مطواع
أنسان متحظر حياتي بديعه=ماني مثل بدو(ن) غريبين الاطباع
مصيفي بلندن بلاد الطبيعه=وبكل دوله صار لي نجم سطاع
من منظره صارت بقلبي فجيعه=شوفه يروعني وللرزق قطاع!
من لابسين الجنز حاله وضيعه=من قوم (طيحني) وللبشره اقناع
ولا الشعر كشه مناظر فظيعه=سوى كدش لموضة (الفسق) تباع
وين الرجوله؟ وين راحت قطيعه=اهل السلاسل قدرهم بيننا ضاع
قلبي عن اشكاله حصونه منيعه=مايعشق الا واحدٍ خالقه طاع
متمسكن بالدين وهدي الشريعه=ما هام بـ اوروبا ولا بأرضها صاع
مووروث جده حافظه مايبيعه=بالطيب والنخوه وللجار فزاع
مناته المكشات لاقبل ربيعه=وشوف الدلال وتحتها الجمر ولاع
حرٍ شجاع ودايمٍ بالطليعه=(أستايله) غتره مع ثيابٍ اوساع
هذاك منهو لاامرني أطيعه=هو منيتي ولا لي بغيره اطماع