لبسوني ثوب مشلوحا قفاه =لاستير ولا يدفّي مرتديه
وطرحوني فوق كرسي الجناااه=اشتكي واصبحت مجنيا عليه
الكوادر صف في كل اتجاه=بانتظار الدور واقف يحتريه
مقنعين الرؤس وثياب النجاه= واللثايم غاطيه كل الوجيه
بالعيون الهرج ماتنطق شفاه=لهجة الطرمان يفمها بيديه
ورنة الأجراس نغمات انتباه =تشر اللنبات والفاهم يتيه
فيه ضغط وفيه نبض وكل نوع ومستواه=وأكسجين ودم وأشياء تقتفيه
بعدها غيبت وأيست الحياه=مار ربي مايخلي مرتجيه
اشكر المعبود في عالي سماه=خالق الإنسان والمرجع إليه

احبابي ارجو ان هذه الوصفه تحوز على رضاكم لأن هذا ماشاهدته قبل التخدير وبعده
ماصحيت إلآ وانا خارج غرفة العمليات ،،

تحياتي للجميع واترككم في حفظ الله ورعايته تعالى