قصيدة ( بالموت ) قالها الشاعر ....؟
بسم الله الرحمن الرحيم كان عقلا الجويعان مريض مرض وفاة وكل يوم يشتد عليه المرض وذات يوم جوه اقاربه يكافون عنه المرض وقالو طيب اليوم انت أحسن من كل يوم ( وتناجو ) وعرف قصدهم من التناجي مع معرفة حالة انه متوفي عن قريب قصدهم من المناجي ويقولون ( رايح الرجال ) وهو عرف قصدهم بذالك وقال هذه الابيات :
هاذا وديع الروح نوخ مفاجي = قالو شفيت وقلت والله مريضي جتني سبور الموت ماهي مناجي = هاذا النذير ولا يفيد الفضيضي ان جا ملك الموت مالي ملاجي = عقب الغلا غديت لون البغيضي وان قدموني يم شين المهاجي = يقدا علي الثوب ماهو عريضي في ضلمت(ن) ماسمع كثير اللجاجي = ولاعاد ينفع نوحهم والجضيضي ماقلت وين المرتعد والعواجي = ماهمني مرباعهم والمقيضي اقفا سلفهم فايضاً كل فاجي = مثل السحاب الياقتفاه النفيضي يالله ياللي مال غيرك الراجي = أنت العوض وأنت العظيم المعيضي يالله حسن الخاتمه هي مزاجي = وازبنك عن نارا ملكها غليضي في ماقفا كل الخلايق حراجي = والناس كلاً مع طريقه يفيضي تحياتي / عايش الجويعان |
رد: قصيدة ( بالموت ) قالها الشاعر ....؟
صح لسانك ولسان شاعرها
والله يرحمه بواسع رحمته رعاك الله |
رد: قصيدة ( بالموت ) قالها الشاعر ....؟
الأخ عايش الجويعان
تسلم يمينك على النقل والله يرحم شاعرها تقديري لك |
رد: قصيدة ( بالموت ) قالها الشاعر ....؟
الله يرحمه ويرحم اموات المسلمين
رحمة واسعه يا ارحم الراحمين والف الف الف شكر لك يا شاعرنا على هذا النقل .. ودي وتقديري |
رد: قصيدة ( بالموت ) قالها الشاعر ....؟
الله يرحم الشاعر الكبير / عقلاء الجويعان
وشكراً لك يابو خالد على هذا النقل المميز وياليت تنقل لنا من اشعار الوالد اطال الله بعمره فهو مدرسة شعرية |
رد: قصيدة ( بالموت ) قالها الشاعر ....؟
يعطيك العا فيه على القصيده
والله يرحمه ويغفر له |
الساعة الآن (02:07 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه