°~*¤®§(§ شبـــكة ويــلان العـربـيـه §)§®¤*~ˆ°

بسم الله الرحمن الرحيم

قصيده للشاعره / أم ماجد بنت تايه الجويعان الجعفري العنزي

اقول بسم الله والحمد لله *** وسبح الرحمن وشكر جلاله
وعلى النبي صلو صلات(ن) امزكاه *** وسلام طيب عد ممطر اخياله
وثم نبتهل للي مايخيب ابرجواه *** لطيف بعبده يوم عبده لجاله
يزيد بالحسنات ويغفر خطاياه *** والحسنه الوحده بعشره امثاله
هو الكريم اللي جزيله عطاياه *** وهو الرؤوف وهو شديد المحاله
هو السميع المستمع للمناداه *** يسرع لعبده يوم عبده مشاله
مغرور يبياع دينه ابدنياه *** مايذكر الدنياء سريع(ن) زواله
مكتوب له يوم(ن) تنوخ مطاياه *** ويرحل عن الدنياء وتقفي ارحاله
وينزل بدار(ن) موحشه له امسواه *** أول منازل له مقيم(ن) بجاله
ويجيه منكر يوم تقفي دناياه *** ونكير قاسي ينهره في سواله
ولاتنفع الحسره ولاقول ويلاه *** امسجلله بالصحيفه اعماله
وسرافيل جاهز ينتظر لمر مولاه *** وليانفخ بالصور تحطم جباله
يوم(ن) عظيم وذالك اليوم مدهاه *** تشقابه المرضع وتذهل عياله
وياسعد من يعطى كتابه بيمناه *** في جنة الفردوس وحظه صفاله
أنهار وبساتين وبها مايتمناه *** امزوده بالخير ودايم ضلاله
وحظه سعيد وله قصور امبناه *** والقاصرات الطرف الزاهي جماله
وياويل من يعطى كتابه بيسراه *** تعيس حظه والكتاب بشماله
يدعى ثبورا والزمهرير ماواه *** مايضلمه ربه حصايد فعاله
حميم يشرب والواهيب تصلاه *** ويجادل بشده ويطول جداله
في ماقف(ن) ماينفع ابوه وابناه *** يوم(ن) طويل ومذهيلات(ن) اهواله
يالله يامنزل على الارض منماه *** وعقب جفاف اليبس تخضر سهاله
تعلم خفي القلب وتعلم نواياه *** وعلى الصفاء تسمع ذبيب النماله
يارب لاتجعل على قلوبنا اغطاه *** ورزقنا التقوى على كل حاله
من طاوع الشيطان لنار وداه *** أبليس يلعب حيلته وحتياله
ومن يرضي الرحمن وبالغيب يخشاه *** له منزله عند الكريم ويناله
والوالدين وحقهم لو عرفناه *** من يرضي الابوين ربه رضاله
والدك بره وأكرمه واتبع رضاه *** واخفض جناح الذل لهل الجماله
واسئلهم الفردوس منزل من اعلاه *** من الكريم الي يجيب المساله
يالله ياعلام بالسر وخفاه *** تلطف بعبدك وانت عالم بحاله
ويامطلع(ن) يونس من الحوت بعراه *** يامستجيب لدعوته وبتهاله
يامرجع(ن) يوسف على من ترجاه *** ياعقوب طال الوقت ويوسف اباله
ابرحمتك جاه امبشر ابشراه *** وارتد بصيره والاحزان زاله
يامنزل القران بالحق نقراه *** على الرسول وزال غم الجهاله
ياحي ياقيوم ندعوه بسماه *** الضاهر الباطن حكيم العداله
الخالق الباري عظيم(ن) بعلياه *** امدبر الامر عزيز(ن) جلاله
رحمان ترحم من بعفوك تولاه *** ارحم من الوالد على اصغر عياله
اغفرلنا بعفوك اذنوب(ن) نسيناه *** غفار لذنوب(ن) عظيمه ثقاله
ونسئلك طوبا بالجنان امحلاه *** ياهادين لرشد عن الضلاله
وشربه من الكوثر هنيه امصفاه *** من ارتواها بعدها لاضماله
حوض الحبيب الي على القلب مغلاه *** الصادق الموصوف بصدق المقاله
جانا بدين الحق وهديه تبعناه *** عن الهوى ماينطق ربه اوحاله
وصلو على اللي طايبات(ن) مزاياه *** جاهد بدين الله ودا الرساله

تحياتي / عايش الجويعان