ياحي والله واكرم براع الذلول=بالطيب اللي كل طيب حاصره
نسل الكرام الشم ذربين الفعول=الطيبين اهل العقول الباصره
جده وابوه من الطحاطيح الزحول=بجايدة وانعم بها من آصرة
قريت ما بين القوافي في ذهول=وجتني هواجيس الفواد محاصرة
الناس يا بندر بلش فيها الرسول=حتى اهل مكة مابهم من ناصره
لكن ولو تقصر سواليف وتطول=الطايلة ماهي سواة القاصرة
بالعقل والحكمة نميز كل قول=وكم واحد بالعلم فكره عاصره
ولااحد على فكر البشر ركب قفول=والناس معها عقول ماهي قاصرة
وطعم الحقايق مر ماهو بمعسول=والهرج شوك الكبد طعن الخاصرة
والناس تربطها العوايد والاصول=وبغداد تسهرها جروح الناصرة
واللي يحسب العرض قبل يشوف طول=قل له تريح غاد والعب باصرة
بريال خذ لك خبز وريالين فول=واترك قديم العلم هو ومعاصره
جنب دروب ما تبي شخص ملول=مادام غصنك كل واحد هاصره
والرجل يبقى زول والا شبه زول=دامك لا خاويته ولا انت مقاصره
وان جا على العاقل كلام من مهبول=احسن بدال الرد يبقى خاصره
وان خضت غبات البحر فابشر بـ(لــول)=بس انت خل القاصرة للقاصرة

المشاركة الأصلية كتبت بواسطة عوض بن خميس (المشاركة 304686) الاخ الغالى \\ خلف الغريب نص غالى بقيمتة وفنونة وابداعة ووصفة وصورة الرائعة لاغرابة عليك من طرق جميع انواع الشعر واغراضة وسموة ببساطة لانك خلف شاعر ومثقف ومتزن وصاحب نظرة ثاقبة نعم دائماااا وابداااا لاترضى سوى فى المقاعد الامامية بين جمهور الشعر المبدعين طاب فالك واعتلى شانك . على هذة الفاخرة والجديدة فى النوعية وفى التصور تقبل اجمل امنياتى لك بطيب الحياة والمقام ياصاحب المقام العالى والرفيع تحياتى وجل احترامى