قصيده للشاعر /عبد الله بن عون
يامل قلب يسج وفيه دولاجــــــــــــه من هاجس بالضمايرقام يدرجـــــــها في معزل عن جميع الخلق وازعاجه ما اسمع من الناس لوتكثر لجـالجها ماغير اهوجس تقول مضيع حـــــاجه آخذ واسند على روحي واهرجــــها وادوج لوكان مارجلي بدواجــــــــــــه ادلّه النفس لين الله يفرجـــــــــــــها يالله يالي بيدك الضيق وافراجــــــــه ياخالق الخلق ياقاضي حوايجـــــــها تفرج لعين الذي أغفت بســــوهاجه تجهز عليها الطواري لين تزعجــــــها بالصدر ضيقه ونوم العين هـــــملاجه عيني من العام والسهر متولـــــجها نوب سهرها شديد ونب نهاجـــــــــه ومر تكن الدموع ومر تزعجـــــــــــــها عليك ياللي بقلبي كن وهاجـــــــــه وهاج نار هوى الغربي يسارجـــــــها أبو ثمان تشاد اللولو لعاجـــــــــــــــه كن البرد يوم يضحك في مفالـــــجها ياروح روحي وجرح القلب واعلاجـــه الطف بحال عليك الهم ساهجــــــها قلبي يناجيك بسلوب الهوى .. ناجه يشكي لك الحال داخلها وخارجـــها اما التفت لي وتم الوصل بمواجـــــه والا بلا عشرة هذي نتايجـــــــــــــها وش ينفعك من حنين القلب وخلاجه وجروحي اسبابها انت ولا |
رد: قصيده لشاعر /عبد الله بن عون يرحمه الله
احسنت الإختيار اخوي عمر العنزي
مشكور الله يعطيك العافية |
رد: قصيده للشاعر /عبد الله بن عون
مشكور اخوي على الاختيار الجميل للشاعر العلم عبدالله بن عون وللمعلومية فهو حي يرزق امده الله بالصحة والعافية وقد تم تعديل العنوان..
|
رد: قصيده للشاعر /عبد الله بن عون
صح لسانك ولسان شاعرها
تقبل احترامي وتقديري |
رد: قصيده للشاعر /عبد الله بن عون
كل كل الروعه لمروركم
ومشكوووور اخي على ايفاد الخبر الله يعطيك الف الف عافيه |
| الساعة الآن (03:50 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه