دام الصداقه ما لها جذر وشروك=اضرب عليها الإكس وإلعن ثواها
ملعون ابو من يجحد الطيب .. صعلوك=ومن باع خوة صاحبه ماشراها
الرفقة اللي مالها عقد وصكوك=اموثقه بالطيب في محتواها
ماتنبغى لو جمّلوها وجابوك=وقالوا تفضلها على ما تراها
لابو العفانه لابو عرفتك لابوك=يابن الردي .. ديرتك ماني بسماها
يمنايَ ارفع من مصافحك يالعوك=ويسرايَ تكرم عن ميامن طماها
انا عشير اللي الى جو حطوك=باقصى المراجل .. واقفٍ من وراها
نسل النشامى ماهم نسلٍ من ابوك=والنايفه تصعب على من بغاها
مايكسبه هافي وضايع و معكوك =غير النشامى ما يتناول مداها
علاقتي معهم مهي .. عطني ودوك=على النقا نمشي وواضح خفاها
لاجيت انادي فردهم قلت : ياخوك=احرص على عمق الصداقه معاها
روحي فداهم .. فوقها كامل البوك=كل الذي املك فدا في ذراها
اكسب معرفتهم ولا يبعدن شوك=كله ولا اخسر مشاهد ضياها
هذي الصداقه ساسها جذر وشروك=تنحت صخر والعفن يكتب بماها

لابـــو العـفـانـه لابــــو عـرفـتــك لابــــوك=يابـن الـردي .. ديرتـك مانـي بسمـاهـا
يمـنـايَ ارفــع مــن مصافـحـك يالـعـوك=ويـسـاريَ تـكــرم عـــن مـيـامـن طـمـاهـا
انـــا عـشـيـر الـلــي الـــى جـــو حـطــوك=باقصـى المراجـل .. واقـفٍ مـن وراهـا

المشاركة الأصلية كتبت بواسطة بنت الكحيلا (المشاركة 308390) صح لسانك اخوي جائز المليحان قصيدة رائعه ومعبرة الله يعطيك العافية على هذا الإبداع

المشاركة الأصلية كتبت بواسطة ماجد الجعفري (المشاركة 308391) الغاالي جايز المليحان صح لسانك و لاهنت حضور مميز رغم قسوته الله يستر من اللي مزعلك يابو احمد ماتستااهل يالذيب وتأكد بان خوتك شرف دمت بكل خير