°~*¤®§(§ شبـــكة ويــلان العـربـيـه §)§®¤*~ˆ° - بسكآت يغليني وانا حيل مغليه .. لاتليفون ولامواعيد غدرى

- منتدى المختارات الشعريه (http://www.weelan.com/vb/forumdisplay.php?f=10)

بسكآت يغليني وانا حيل مغليه .. لاتليفون ولامواعيد غدرى

ماكني اعرفه ولاكني ابغيه
وانا عليه من امه احب واجرى

ياكثرها تسلميتن يوم الاقيه
لي عين تكتب له وله عين تقرى

وان حل طاريه تجاهلت طاريه
ماكني ادري عنه وانا به ادرى

بسكات يغليني وانا حيل مغليه
لاتليفون ولا مواعيد غدرى

يصون ودي عن عدوله وحاميه
وانا عليه احجى من القلب واذرى

حبن عفيفن والصراحه سواقيه
في وقتنا ماظنتي زيد يطرى

لاسولف بحبه ولانيب كانيه
وغيري لو انه يوالفه كان هذرى

احشم قريبه حشمتن له واداريه
واخشى يجي في خاطره شي وادرى

لايحسب اني يوم قفيت ناسيه
لعيونه اني ماتحاليت عذرى

ليت الزمن يرجع وانا اعلمه ليه
والا الحظوظ من المقابيل تشرى

كل العذارى في الوفا ماتساويه
كنه اليمين وباقي الغيد يسرى

قولو له اني مارتضي بالبدل فيه
لامال قارونن ولا عرش كسرى

يرتاح ماغيره ملا عين هاويه
غلاه نهر النيل والقلب مجرى

واكبر دليل اني الى غاب احاتيه
كم ليلة ماتت على كف مسرى

وان قالو انه شرق وازريت لاجيه
وجهت وجهي كل مانمت حدرى