ذابت على اجفان السهر لذة النوم=واستيقظت صرخة الم في عروقي
ارتعشت اهدابي على حلم مزعوم=مدري كذوب الحلم والا صدوقي
يا مجمل احلام السنه اصدقي يوم= لو بالعمر مره على شان شوقي!
ضاق النفس في داخل الصدر مكتوم=وعيّت شياطين الهواجس تروقي
ماجيت اناقش بالتفاصيل واسوم=جيت اشتري وابيع والسوق سوقي
جيت اقسم الفرحه على قلب محروم=مدام قلبي منحرم من حقوقي
صبرت في وجه الليالي على اللوم=مثل صبر دمعي على نوح موقي
خاطبت دمعي قلت يالدمع مقسوم =لو طولت شمس الامل بالشروقي
ظالم ينام ويسهر الليل مظلوم =والظلم نار(ن) تشتعل في خفوقي
مع كل يوم علوم وعلوم وعلوم= والقلب من كثر الكلام محروقي
ترعد وتبرق داخلي سحب وغيوم =هلّت مطرها وامطر الشعر فوقي
كتبت والخاطر من الهم مزحوم=وتزاحمن بالبال كل الطروقي

المشاركة الأصلية كتبت بواسطة العنود الشيباني (المشاركة 311233) بسم الله الرحمن الرحيم يشرفني ان ألبي دعوة اخي الشاعر القدير/ سعود العواجي واحظى بالتواجد بين الاقلام الراقيه فهذه مصافحتي الاولى لكم أخوتي علّها تحوز على بعض الاعجاب وترتقي لذائقتكم ذابت على اجفان السهر لذة النوم=واستيقظت صرخة الم في عروقي ارتعشت اهدابي على حلم مزعوم=مدري كذوب الحلم والا صدوقي يا مجمل احلام السنه اصدقي يوم= لو بالعمر مره على شان شوقي! ضاق النفس في داخل الصدر مكتوم=وعيّت شياطين الهواجس تروقي ماجيت اناقش بالتفاصيل واسوم=جيت اشتري وابيع والسوق سوقي جيت اقسم الفرحه على قلب محروم=مدام قلبي منحرم من حقوقي صبرت في وجه الليالي على اللوم=مثل صبر دمعي على نوح موقي خاطبت دمعي قلت يالدمع مقسوم =لو طولت شمس الامل بالشروقي ظالم ينام ويسهر الليل مظلوم =والظلم نار(ن) تشتعل في خفوقي مع كل يوم علوم وعلوم وعلوم= والقلب من كثر الكلام محروقي ترعد وتبرق داخلي سحب وغيوم =هلّت مطرها وامطر الشعر فوقي كتبت والخاطر من الهم مزحوم=وتزاحمن بالبال كل الطروقي وسلامتكم عذب التحايا للجميع

اولا الله يحييك اختي في شبكة ويلان العربيه بين اخوانك وخواتك

وصح لسانك وسلم بوحك الجميل

ترعد وتبرق داخلي سحب وغيـوم
هلّت مطرها وامطر الشعـر فوقـي

في البدايه ياهلا فيك في بيتك الثاني ويلان بين اخوانك وخواتك

حللتي اهًلا وطئتي سهلاً