اهداء لصبيح العوض
 

سولفوا تكفون لا عاد تسكتون ..
. . قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
. . مرةٍ قدامي ومرة وراي


وإن سكتوا جا وهو طيفه يمون ..
. . رحت أهوجس له وأبين له ولاي


مكسب عيوني من الفرقا مزووون ..
. . تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
. . وإلا أنا فيه أمتلك نظرة وراي


كان حبه لي على خبري مصون ..
. . والله ان كني بقدري .. وبغلاي


ذي بقايا الحب وأطلال الجنون ..
. . والله أعلم في ضميره وش بقاي


غير طيعوني ولا عاد تسكتون ..
. . ولا والله إن أسمعكم بكاااي

رد: اهداء لصبيح العوض
 

محمد فليح الجعفري

ياهلا بك بشبكة ويلان العربيه

اخي الكريم انت تهدي قصيده ليست لك !!!

لا ادري هل بقصد او بغير قصد وارى ان مكان هذه القصيده هو المختارات الشعريه والقصيده للشاعر محمد بن فطيس

شكرا

رد: اهداء لصبيح العوض
 

مرحبا بالشبل محمد فليح الجعفري

اهداك مقبول وذوق راقي تمنا لك التوفيق صح السانك وصح السان شاعرها

انتظرو جديد محمد فليام القادمه

اخوي بدر فهد الجعفري اسعد الله اوقاتك بالمسرات احيطك علم بان محمد

لايتجاوز الثانيه عشرمن العمر وهو هاوي الشعر بقوه وانشالله بتشوفن ابداع هذا الشبل

تحياتي واحترامي للجميع

رد: اهداء لصبيح العوض
 

الغاالي
محمد فليح الجعفري

ياهلا فيك ..وحيااك ربي

يعطيك العافية على هذا الأختياار للشاعر الرائع محمد الفطيس

والشاعر القدير والأخ صبيح يستااهل

وان شاء الله نقراء جديدك المرة الجاية

دمتم جميعاً بكل خير