عتبان والتاريخ محدن مخفيه
هذه القصيده مهداه للاخ والزميل للواء عقاب الدلبحي العتيبي اتمنى ان تحوز على رضاكم
الشعرزان وهيضتني معانيه=واسترسلت نفسي بحسن المعاني كتبت شعري والمثل نفتخر فيه=امدح عريب الجد مدح بياني والشعرطيب كان طابت معانيه=وعساك يافكري تصوغ السماني ياعقاب فيك الشعرتفخر مباديه=يالنادر اللي صاحبه مايهاني يانسل قوم طيبهم مجد ماضيه=يفخربها الحاضر ولاهي بماني من ربعة للحق تعرف مباديه=دلابحه تشدى سهيل اليماني وان صاح باعلى الصوت تسمع عزاويه=يجون فوق مكضمات العناني يجون فوق السرج من غير تمويه=يشفون صدر اللي حداه الزماني ماقول قول الامثبت معانيه=وقول بلافعل ترى مايباني عتبان والتاريخ محدن مخفيه=اهل الفعول الطيبه والسنانى تاريخهم مهماتكلمت محصيه=محصيه لونكتب كثير المعاني لاشك قصدي طيب ياريف ناصيه= والقلب ترجم لك غلاه اللساني راع الوفاء لو غاب ماني بناسيه=يبقى مكانه في عزيز المكاني والله يجيرك عن مصايب بلاويه=ويجزاك عن فعلك جزيل الحساني وصلاة ربي عد ماحل طاريه=عد النفود وعدمالحق باني وعداد ماهل المطر من مناشيه=على الرسول اللي بفعله هداني ورد علي ابن عمه الشاعر منيف مطلق الدلبحي
يامرحبا بالخط والله يحييه=فرحت بالمكتوب ساعة لفاني اقدر المكتوب من قدر راعيه=قرم يحب الطيب ماهو هداني من ساس وايل منسب يفتخر فيه=منزحين الضد ريف العواني المدح لاهل الطيب فرحان مهديه=مهديه للنادر عريب المجاني وعقاب راع المدح والمدح يكسيه=وعد الرواء ترد عليه السواني لاشك ابي اشكر راع الخط واجزيه=وللي نصى حفيد جدي نصاني يالنومسي فعل الوفاء مانخليه=والطيب في شرواك ذخر وضماني وللي نصانا مانخيب هقاويه=نجود بالميسور والعمر فاني درب لنا من عصر الاجداد نمشيه=رؤس العلا ونكب درب الطماني والشهم لاسمع النداء قال لبيه= ويرسي كما ترسي سطول المواني ورجل تقصر في المراجل مشاحيه=الي مات ماينفعك لو هو جناني والي يحسب الطيبة والمشاريه=يشارله يانومسي بالبناني هذا ولك مني تحيه بتاليه=اعداد من صلى وصام رمضاني |
رد: عتبان والتاريخ محدن مخفيه
فرحان بن نومس
صح الساانك قصيدة رااائعة وعتيبة تستاهل المدح واكثر وصدى رااااائع من شااعر ارووع صح السنتكم جميعاً والله يديم المحبة بين اهل الطيب تقديري وودي |
رد: عتبان والتاريخ محدن مخفيه
اقتباس:
اخى الفاضل والشاعر المميز صالح السالم صح بدنك والروعه مرورك وتعليقك وشهاده اعتز بها واللواء عقاب كان يخدم قبيله عنزه بشكل مستمر وخاص ويعزهم ويقدرهم له منا الشكر والتقدير والاحترام ويقول انا والله اتمنى يابو مساعد اننى شاعر وارد عليك لكن سوف يرد عليك ابنى عمى بلسانى تقبل شكرى اخى الكريم وتقديرى |
رد: عتبان والتاريخ محدن مخفيه
ماهي غريبه سمة الابداع والنخوه على عتيبه
ويستاهلون ذبّاحة الحيل ما يقال فيهم وزود وبيّض الله وجهك يابن نومس على هالدرّة الرائعه وصوت ولا اروع وصدى لا اجمل منه فصحت ابدانكم ماحييتم ولك الشكر اخي على اتحافنا بها وتشريفنا بقرائتها لك من اخيك كل الود والتقدير ابو احمد |
رد: عتبان والتاريخ محدن مخفيه
عتبـان والتاريـخ محـدن مخفـيـه اهـل الفعـول الطيـبـه والسنـانـى تاريخهـم مهماتكلـمـت محصـيـه محصيـه لونكتـب كثيـر المعـانـي فرحان بن نومس ومليووون نعم ومايسدون يالغالي قبيلة عتيبه غنيه عن التعريف واسمها يكفيهااا وصح السانك يالغالي مدد بلا عدد صوت وصدى رائع بروعة حضورك وتألقك بأنتظار جديدك كن بخير |
رد: عتبان والتاريخ محدن مخفيه
صــــــــــــ لسانك ـــــــــــــــــــــح يالنومسي
عز الله انك صغت الشعر صوووغ ونعم بعتيبه قبيله عريقه وغنيه عن التعريف وتستاهل المدح ولا يمدح ونا اخوك الا الرجل الطيب السراحه خاانني التعبير لاكن ماقول الا الله يعطيك العاافيه وعـــــــــتـــــــــيـــــــبـــــــه تستاهل المدح تحيااااتي |
. . يستاهل المدح السيد اللواء عقاب الدلبحي العتيبي والله مليون نِـعم ومايسدون بعتيبه كلها فرحان بن نومس صوت في غاية الابداع والجزالة وصدى لايقل جزالةً وابداع يصح لسانك وبوحك وفكرك ملايين ويصح لسان الشاعر القدير منيف مطلق الدلبحي كذلك بيض الله وجهيكم ودام لنا عطائكم وابداعكم لاتبخلون علينا بمثل هالروائع تكفون :) تقديري هيــــااااا |
| الساعة الآن (12:17 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه