يا عيد كـن القلـب وسطـه قذايـف=قذايف(ن) تصـلاه مـن عـدة أيـام
وكن الحشاء وسطه سيوف(ن) رهايف=من تضربـه ياعيـد يشرالـه الخـام
بأسباب من قرنـه سـوات السفايـف=من هامته كالمـوج ضافـي للأقـدام
واليا انتثر قرنـه تشـاف الكلايـف=طولـه ولونـه للمشاشيـط لـطـام
والعين عين اللي مـع الجـو طايـف=طير(ن) وحش ما ساومه كـل سـوام
اليا سمع صوت(ن) زبن راس نايـف=عوايـده يظلـم ولاهـوب منـظـام
والعنق عنق الريم والخصـر هايـف=وبيض الثنايا كنهـا بروحـي سهـام
مثل اللهب بالعيـن حمـر الشفايـف=من دونها ياخوك طير الهـوى حـام
وليا مشى كنـه مـن القـاع خايـف=خايف خشاش القـاع يوذيلـه بهـام
أدعج غنـج يزهـاه لبـس الغدايـف=زينه للزيـن الخلـق بالعـون هـدام
ماله حليـن مـع جميـع الطوايـف=يقولـه اللـي جفنـه اليـوم مـانـام
لو جن بنات الكون يمشـن ردايـف=عن غيرها قلبي قطع دينـه وصـام
وختامهـا ياللـي للأحـوال شايـف=يا مقدي(ن) خطوات عبدك ليـا هـام
طالبك أنا عفـوك نهـار الحسايـف=يا غافـر الـزلات مـا غيركـم دام

خان القصيد اللي بظهـر الصحايـف=وحارت بي الكلمه على روس الاقـلام
واخذت لي مـده مـن الـرد خايـف=عذري معي يا خوك من خوف لنـلام
والحال يا خالي مثـل منـت شايـف=مـن قـوة ابياتـك حَدَنَّـي للاحجـام
الين شفـت الـراس جـوّه تكايـف=يحوم به مـن شـارد الفكـر حـوام
والبال طوّف به مـن الشعـر طايـف=وقعـدت الوّنهـا تقـل لـوح رسـام
ياسعود مـا والله تشـوف الحسايـف=نطيح دون الموت مـن قبـل تنضـام
ربعك هل العشـوى نهـار الكلايـف=امغمقيـن الطعـن فـي مـر الايـام
خيولهـم بالكـون تقبـل وجـايـف=لحوض المنايـا وِردهـم ورد صيـام
ان كان همك من حسِيـن الوصايـف=ام الغنـج والدلعنـه بنـت الاكــرام
اللـي زهاهـا لبسـهـا للغـدايـف=اكبـر امانيهـا تشوفـك بـالاحـلام
ويلك علـى مصـة حمـار الشفايـف=لا شفت طلع التين فـي صدرهـا زام
ابـو ثمـانٍ يـوم يبسـم صفـايـف=كسولـة الرمشيـن نظراتهـا اسهـام
نمشي لشوقك مـن جميـع الطوايـف=بالدين والسنه علـى شـرع الاسـلام
ونجيبها يا سعود لـو هـي خطايـف=بس انت اشّر .. والمطانيخ قـداااااااام
هـذي هـي الدنيـا بحـال الولايـف=قانونهـا بالحـب معكـوس الاحكـام
حياتهـم ياخـوك هــمّ وكسـايـف=واوقاتهـم مـا بيـن لايـم ولــوّام
طبعي .. اعاف اللي عن الوصل عايف=والله ولامثلـه قعـد عنـدي وقــام
وعلاجها ياخوك بـارض المصايـف=( لا ضاق بالك اكـد الحجـز للشـام)

يا مرحبا يامصخر القاف تصخير=عد النجوم وعد شـوف الأهلـه
وعداد ماتنشي مزونِِِ(ن) مزابيـر=بأمر الولي سيقن وهن ماعصلـه
ياعيد ابن فرحان ماشفت تقصيـر=مثلك شهاب وكل حي(ن) فطنلـه
من راس قرم ماحسب للمخاسيـر=يوم ان ولـد الاش عرقـه يتلـه
وربعك ليا صارت وصفوا طوابير=والكل سيفه مـن جفيـره يسلـه
مطارفه بالكون تنصا الصوابيـر=واللي عواء بالجال صاروا عشنله
وختامها مامن ترى اليوم تأخيـر=والصوت كفاني عن القاف كلـه
هذا جواب سعود والحرف تعبير=واللي لجاء بالـروح لازم نحلـه

المشاركة الأصلية كتبت بواسطة هزاع الساري يا حبي للمطارفه صح لسانك يا بندر وصح لسان الشعراء ابداع والله ماشاء الله عليهم

المشاركة الأصلية كتبت بواسطة محمد الدلماني صح لسانهم جميعا ولاهنت يابندر