الحق المشروع
أحبتي أداريين ورؤساء أقسام وأعضاء وزوار هذا الصرح الشامخ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ "" السلام عليكم ورحمة الله وبركاته "" سبق وأن شاركة بقصيده بعنوان ( مدافع عن ربعي وبقوّه ) وهذا أقل واجب أقدمه تجاه قبيلتي ... وكانت الردود والتفاعل مع القصيده من الجميع أجمل منها بكثير وأنا بدوري أشكر كل من أثناء وأمتدح قصيدتي وهذا بحد ذاته شرف لي , ومن ضمن عبارات الأطراء والأمتداح أحد الشعراء قال في رده {عز الله انك درع ياحمد الضوي صح السانك وبيض الله وجهك تقبل مروري } وانا أقول بيض الله وجهه وكل شخص ينتمي لهذه القبيله العريقه يعتبر( درع و سيف وسهم) يتصدى به لكل من يمس هذه القبيله بسؤ , وبسبب هذه الكلمه ( درع ) أتت هذه الأبيات,,,,,,,,,,, إعذروني على الأطاله بالمقدمه ,,,,,,,,,,
ياشاعر ٍ بالمنتدى قلت لي درع=شجعتني ياطايل الشبر والبوع والشجره أم الضل شف كم لها فرع=أنته وأنا من فروعها وغيرنا فروع ربي زرع في ضامري حبها زرع=حب ٍ طبيعي صدق لاحب مصنوع دافعت عنها رافع ٍ صوتي البرع=ولي الفخر والراس عالي ومرفوع وإن قام عاصوف الهواء ينفض الشِرع=تطيح شجره مالها عروق وجذوع وباب التضامن جازه الدين والشَرع=ولاينظلم من له بني عم وربوع من أكبر معمر بالقبيله إلى الورع= حبل التواصل بيـنـنّا غير مقطوع وإنكان طبول المعركه جالهن قرع=دون القبيله كلنا سيوف ودروع والنيل منها وعندنا السيف والدرع=ابعد على الانذال من حبة الكوع مادام راسي حي ماصابني صرع=باثبت وأدافع واعتقد حق مشروع "" وسلامة الجميع "" |
رد: الحق المشروع
كــفوا والله ياحمد الضوي تقول وتطول صح لسانك اي والله دافع ثم دافع اذا انت وانا واخوانا ابناء هذه القبيلة مادافعنا (( بالحق طبعا)) عن القبيلة من يدافع ؟؟؟ هذا وحنا ان شاء الله مانبخس حق اخواننا من القبائل العزيزة اللي فيهم الخير والبركة فنحن بالنهاية مسلمون ومحاسبون على كل مانقول ونفعل من لدن العزيز الحكيم ...صح لسانك واعتلا شانك والله ياحمد ...
|
رد: الحق المشروع
كفو ياحمد
نعم انت درع عن هذه القبيله في الحق فقبيلتك تستحق منك ذلك واكثر دون انقاص في القبائل الاخرى كما فعلت في قصيدتك السابقه .. سلم فكرك ودام هذا الابداع الف نعم وصح لسانك |
رد: الحق المشروع
صح السانك اخوي حمد انت مب بس درع الا درع ومحزم
بيض الله وجهك وماقصرت في حق قبيلتك وعز الله انه حق مشروع نفس ماقلت تقبل مروري دمت بود |
رد: الحق المشروع
اقتباس:
عبدالمحسن الجلوي ــــــــــــــــــــــــــــ ماعليك زود أخوي وصح بدنك , وكلامك عين الصواب لايمكن بأي حال من الأحوال أن نبخس حق الآخرين . والقبائل كلها فيها الخير والبركه ولا نسمح لأحد ان يتعدى عليها,كما لانسمح لأحد أن يتعدى على قبيلتنا ,,,,,,,,,,, اسعدني مرورك العاطر,,,,,,,,,دمت بخير.......... |
رد: الحق المشروع
اقتباس:
هندي المقبل ــــــــــــــــــ صح بدنك , ولاعيك زود والف شكر على مرورك الذي أسعدني كثيرا ً..ونعم بجميع القبائل ( كل ديره وفيها حقها من رجالها ) . ولايمكن أنتقاص حق أي أحد ,بدون وجه حق فكن مطمئن أخي وعزيزي,,,,,,,,,تقبل فائق تحياتي |
رد: الحق المشروع
الـــف نـــعم بـــــك على هذي المشاعر الجميله تجاه ربعــك
ولا هي غريبه منك انت من ناس لهم تاريخ معروف بين القبائل وصـــح لســانك واعتلى شـــانك ولـــك خالص تحياتي |
| الساعة الآن (07:06 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه