حبيبي تحسب الفرقى سهاله=تغيب وصاحبك حالته حاله
ترا الفرقى على مثلي صعيبه=ماطيق فراق من قلبي صفاله
عليم الله في بعدك اعاني =تعال وشوف حالي وش جراله
نسانيس الهواء لامن نصتني=تحرك خافقي طيفك طراله
اسج ولا اتمنى غير شوفك=من الدنيا كفى شوفك لحاله
واشوف الشمس لاقرب مغيبه=بدا طاريك في قلبي وجاله
وامل الناس والدنيا مابيها=حزين القلب والجرح ارتكاله
ولابه شيء من بعدك يسلي=سهير الليل واتحرا زواله
نجوم الليل للمجروح سلوه=ليامن نام من نومه هناله
اسامرها نعيش الليل كله=واقول الزين يامحلا وصاله
واليامن الفجر هبهب عليه=تصنعت الفرح ماني بداله
اجامل والحشا كنه لهايب=ولاحد(ن)سري الخافي دراله
انا ربي وهبني طبع فيني=محب اشكي على غيره سوا له
حلفت يمين مشكي للخلايق=ولااذل الراس دام العز فاله
صبور(ن)واتحمل ماجرالي=صبرت وهالزمن مابه عداله
يعاكسني بهالدنيا زماني=عجز يلحق براسي ماخفاله
وظروف الوقت ماتاثر عليه=تلاقيني كما شمخ جباله
لكن الله بلاني في خفوقي=يحب الزين مايرضى بداله
عشقته والعشق لاصار عذري=يعل القلب تعذيب(ن) يناله
على عز وترا النيه شريفه=عطيته قلبي الوافي فداله
تربع بين هاذيك الحنايا=سكن فيها يسوي مابداله
له الحب النقي دوم يتجدد=وله الاشواق دايم والولا له
هنيك ياحبيبي في خفوقي=يجي كله ويفدي من وفاله
وظروفي مع ظروفك ماتهزه=صدوق العشق يتحمل نكاله
لكن راجيك لاتطول غيابك=ترا مليت من دنيا الهزاله