دون الوطن لو راحت الروح يا زيد=ما ني عليه يشهد الله شفقان
دون الوطن ناقف ونبقى صناديد=يا لين نردع كل عايل وخوان
انشهد ان اللي لفونا مقـاريد=ما دريو ان اهل الوطن ناس شجعان
نحماه بعد الله ولو بأول العيد=ولا احدن على الروحه يا ابو طيف ندمان
بس الوكاد انك اذا مت شهيد=ملفاك للجنه بأذن عالي الشان
اهل السعوديه مع الجو والبيد=دون الوطن يحمون بدوان حضران
على العدو ضرباتنا دون تقصيد=ومنهو نطحنا دايم الدوم خسران
ونكد ايام العداء دوم تنكيد=والموت الاحمر نشربه شرب فنجان
عجزت اقول القول يا زيد واعيد=ترا وطنا دايمن قدم الاوطان
هو الذي ضم الشقي مع السعيد=ويبقا لنا شامخ على كل مكان
وان كانك شاعر عرفت المقاصيد=القصد واضح دون لوحه وعنوان
اعداد ما قلنا من حروف القصيد=واعداد مرقب با المراقيب شيهان
تسليمتن تاصلك با القول يا زيد=تسليمتن تشملك من دون نقصان

المشاركة الأصلية كتبت بواسطة سعد النفج (المشاركة 322199) قراءة أولى مختصره و لي عوده بعد القراءة الأخيرة . تقبل تحياتي إلى ذلك الوقت .. يا شاعرنا المميز نايف العواجي ..

المشاركة الأصلية كتبت بواسطة عبدالمحسن الجلوي (المشاركة 322419) الشاعر نايف العواجي كفوا والله وصح لسانك ابيات جميلة وحماسية من شاعر منبري مميز .... الشاعر الجميل نايف العواجي صح لسانك ... تحياتي ...