غلطان من قال العذارى بهم فرّق = مايدري انه فرقهم شـي عـادي
هذي قمر والثانيه طلّة الشـرق = وهبة من الرحمن رب العبـادي
متخالفات اللون والشكل والطرق = سنة حياة الكون قبـل المهـادي
الفرق ماهو بأبيض اللون والزرق = الفـرق والله بالشيـم والمبـادي
لاجاك شغموم(ن) كما طلة البرق = واليابخصته بان فيـه السـوادي
هذا اللي ياخوك يفرق معي فرق = والمرجله تعلن عليـه الحـدادي
اقولها والقلب منه احرق حـرق = وقررت عن مثله يزيد ابتعـاي

المشاركة الأصلية كتبت بواسطة جائز المليحان (المشاركة 326954) وقررت عن مثله يزيد ابتعادي الله عليك الله يابو موسى وشهادتي بشاعريتك مجروحه طال عمرك ولكن ياطويل العمر من يقول إن العذارى مابهن فرق ................................. ^_^ . . . الوكاد ماني معك بما إتجهت إليه مع إتفاقي معك في الزاويه التي بنيت عليها المقارنه لكن انا اشهد ان العذارى بهن فرق ^_^ وصح فكرك ونبضك وروحك يالامير

ياهلا وغلا يابو احمد

صح بدنك ونبض قلبك

وقلبك خضر يالعشير

وانا يوم اقول مابهم فرق لأنهم هم ملح الدنيا

وكلهم حلا وقبله :p

والمقارنه هي الاساس


فأنا بنظري ان النساء مهما اختلفت الوانهم وطبائعهم

يبقون الوهج الذين يحركون المشاعر بكل اختلافاتهم وطباعهم


وقناعتي انه لا تخلو امرأه من الجمال

فأن لم تكن مثل القمر فهي بكل تأكيد مثل طلة الشرق ;)

اما الرجال فالمبادئ والشيم هي الركيزه الاساسيه لهم