برق برق الغيوم الداكنات وهل مثل الديم=وبل حروف شعرٍ من سنين الخير ما جاها
تروى في ثراها الما شهر والما عليها مقيم=عقب طول السنين من الجفا عود لها ماها
ظهر فيها الخزامى والنفل والديدحان يهيم=تخالط به من اجمل ما نسج للشعر وابهاها
وجاء للحرف من نسج المشاعر دنه وترنيم=وانا لا من دعيت افكارها تقبل مطاياها
صبرت و ما ذبحني غير من سمي عنود الريم=هنوفٍ مغرم في حبها والقلب يهواها
وانا اللي ما غبطت الا الدروس وعدة التعليم=يصبحها الصباح وبالمساء تقراء ويقراها
خجول كيف حارمها الخجل من نعمة التكليم=تلعثم كل كلمه لا بغت تظهر من شفاها
حبيبي كيف تبخل بالكلام وسنة التسليم=عط المحروم كلمه يامنى نفسي ورجواها
اببحر في عيوان ناعسات وفي هدبها اقيم=على مركب غرام ابحر بها والجيد مرساها
والى منه سرى ليل الجدايل خلف برق الغيم=فداك العمر هذا هو مراد النفس ومناها
ترى شوفك حبيبي والله انه قمة التكريم=وانا بين الرجاء والياس نفسي ضاع ممشاها
عشقت ولا جنيت الا الهموم وزايد التأليم=وانا نفسي قويه لكن ان الوقت عاداها
اعيش العمر وارضى بواقعي وابعد عن التوهيم=ونفسي لو يطول ابها الجفا ما تفرح اعداها