السلام عليكم ورحمة الله وبركاته
طابت اوقاتكم بكل خير

كما تعلمون احبابي هناك من يدعي ويلبس ويحكي ويتظاهر بشي ليس له إلا بالاحلام فهو يكذب على نفسه
وعلى غيره والضحيه الصادق الطيب الواضح شرواكم اعضاء صرحنا الجميل ......

ماكل من يرقا وصل للرفيعه=ولاكل روحه تشفي الغل لارحت
وطلقه بلابارود حسبت رجيعه=اسلاحها ديكور لو فيه لوحت
سيوف عرضه تجذبك في لميعه=ماهي تكانه غلطتي به تسلحت
دميه بشكل سلاح لكن بديعه=شرواك ياللي بالردى امسيت وصبحت
تحلم وحلمك صعب ماتستطيعه =والحر يرقا وانت يالبوم طبحت
انشهد انك طحت طيحه شنيعه=من عين ماترضى تشوفك لياطحت
كنت احسبك صرحٍ حصونه منيعه=اعجبت بالمظهر وبشت توشحت
كبر الاسامي نوب فيها خديعه=لو قال جدي كان وش كان مفلحت
الطيب ماهو في كلام تذيعه=ولاصرت ماانت بقدها ليه صرحت
غرك زمانك ونخدعت بربيعه=وتبعك من يجهلك عنده تملحت
بعت الضمير اكيد حظك تبيعه=ردي نفس ويوم شفت الذهب سحت
جتني من اقرب شخص ياهي فضيعه=نسف جدار الطيب من تحت لاتحت
يانعمة النسيان مري سريعه=لو كان بعض جروحنا منحت نحت
مري علينا لاتطول القطيعه=على الردي غلطان ياعين لونحت
قوي باس وراس فيني طبيعه=ماني برابح كان من صدتك صحت
واضح ولا احب الهزل والهزيعه=ومافيه داعي نسألك ليه جنحت
خلاص فارق والشوارع وسيعه=علاقتك مثل الربا سحت في سحت
شعب الخليج انصار سنه وشيعه=إلا انت بين البين ياما تمرجحت

والسلام.......
محبكم ابوهيــــثم

صح لسان مليوووووون

سيوف عرضه تجذبـك فـي لميعـه
ماهي تكانـه غلطتـي بـه تسلحـت
دميـه بشكـل سـلاح لكـن بديعـه
شرواك ياللي بالردى امسيت وصبحت
تحلم وحلمـك صعـب ماتستطيعـه
والحر يرقا وانـت يالبـوم طبحـت
انشهد انـك طحـت طيحـه شنيعـه
من عين ماترضى تشوفك لياطحـت

الله الله
فوق الابداع
لاهنت

المشاركة الأصلية كتبت بواسطة جائز المليحان (المشاركة 328642) إلا أنت بين البين ياما تمرجحت لله درك يابو هيثم وصح بوحك وفكرك وكلك وشهادتي بك كغيري .. مجروحه بلا شك كيف لا وانت من خلف هذا النص الشاخ بحضورك صح بوحك مرة اخرى ولاحرمنا تواجدك من جديد اخوك ومتابعك على الدوام ابو احمد