اقدم لكم هذي القصيده عسا ان تنال على رضاكم =
الطيب يثمر بالرجال الصناديد = ولا الردي مالك عليه اتكالي
احدن يحوف الكايده شوفه بعيد = واحدن بعثرات الخلايق يلالي
واحدن حياته والفً البيت ووحيد= واحدن بمجلسه بوسط الرجالي
والطيب ما يشرى بالاموال ورصيد= وهبه من الخالق عزيز الجلالي
وانا ياماصديت واغضيت ياعبيد = والقلب كنه باحمر النار صالي
شفت الرجال اللي بزماني عواضيد= ما فيهم اللي بالشدايد صفالي
يااخوك انا مالي عليهم مواريد= لكن لحقني عوز والوقت مالي
ياعبيد انا ياخوك ابنصحك واجيد= بالغانمه ياعبيد هاذي منالي
خاو الرجال اللي كما شامخ الحيد= واترك هلاميد الرجال النذالي
وعلم الردى احذر يطبعك ياعبيد= كل شي ينسى والرديه استحالي
والغيبه والنميمه عطها تصاديد= ومجالس كثربها القيل قالي
وعليك بالصلاة ياعبيد تحديد= مع باقي الاركان وخير الاعمالي
والا صديق اللي يجيب التناكيد= اللي لفزعتهً كثير الجفالي
خله يولي ما بخوته تمجيد=هذاك ماني في ملاقيه سالي
وخلك مع اللي حافظين التقاليد= عن سلم جدك لا تفك الحبالي
واكرم ضيوفك لالفولك ملاهيد= واسلك دروب الطيب وكسب المعالي
واوصيك بالجيران خصاً وتعميد=المصطفى ركز عليهم مقالي
وختامها صلو عدد ماعلى البيد= على الرسول الخاتمي الموالي
وسلامتكم=

فهد العبدلي


صح السانك مدد بلا عدد يالغالي
قصيدة يغلب عليها طابع النصح والحكمه ولارشاد
وهي في مجملها رائعه بفكرتها ومفرداتها ومضمونها

اعجبني هذا الشطر كثيراً


احـدن يـحـوف الكـايـده شـوفـه بعـيـد
واحــدن بعـثـرات الـخـلايـق يـلالــي


اما في هذا الشطر اعتقد انه يجب عليك مراجعته

واحـدن حياتـه والــفً البـيـت ووحـيـد
واحــدن بمجلـسـه بـوسـط الـرجـالـي


كذلك في هذا البيت اعتقد انه يعاني من الخلل

والغيـبـه والنميـمـه عطـهـا تـصـاديـد
ومجـالـس كثـربـهـا الـقـيـل قـالــي


اما في هذا البيت
فلم يكن هناك اربتاط مع البيت الذي سبقه فأنت تأمره بالصلاة والاذكار وخيار الاعمال

ومن بعدها ذكرت

والا صـديـق الـلـي يجـيـب التنـاكـيـد
الـلــي لفـزعـتـهً كـثـيـر الجـفـالـي

واعتقد ان هناك خطأ املائي





اما باقي ابيات القصيد فهي من اروع الابيات وهي خلاصة القصيدة ..


وخلـك مــع الـلـي حافظـيـن التقالـيـد
عــن سـلـم جــدك لا تـفـك الحبـالـي

واكــرم ضيـوفـك لالـفـولـك مـلاهـيـد
واسلـك دروب الطيـب وكـسـب المعـالـي

واوصـيـك بالجـيـران خـصـاً وتعمـيـد
المصطـفـى ركــز علـيـهـم مـقـالـي

وختامهـا صـلـو عــدد ماعـلـى البـيـد
عـلـى الـرسـول الخاتـمـي الـمـوالـي



صح السانك يافهد ملايين

والملاحظات لا تقلل من جمال وروعة القصيدة