°~*¤®§(§ شبـــكة ويــلان العـربـيـه §)§®¤*~ˆ° - مرثية في جدي الشيخ عبدالعزيز محمد الجلعود رحمه الله

- منتدي الشعراء (http://www.weelan.com/vb/forumdisplay.php?f=8)

مرثية في جدي الشيخ عبدالعزيز محمد الجلعود رحمه الله

بسم الله الرحمن الرحيم
قصيدة مرثية في جدي الشيخ : عبدالعزيز بن محمد بن عبدالعزيز ابن سلامة الجلعود امام وخطيب جامع الجلعود بسميراء سابقا والذي وافته المنية صباح يوم الاثنين 13 ـ 2 ـ 1432 هـ رحمه الله واعلى منزلته واسكنه فسيح
جناته والهم الاهل والاقارب الصبر والاحتساب

مــرحوم يـاشيخٍ عـلــى الـــزين ننــعاه =شيـخٍ كـــريم وبـــالمواقف بليهان
مـرحوم يــاللي صـعب (ن) اليوم فرقاه = مــرحوم يـاجدي ســـلايل كحيلان
خـدمت بــالجامــع سنـيــنٍ عــــــديداه = طـــايع لـربك من قديمات الازمان
شيــــخٍ عـــزيز وطـيـبــاتٍ ســـجـاياه = رحــلت عن دار الفناء دار الاحزان
شيخٍ نـعـزه كــــل مــــاحل طـــــرياه = من روس قومٍ حزة الضيق شجعان
جــاني الـخبر في صبح الاثنين ملفاه =والصبر في وقت المصيبه لها شان
رحـلت في يــــومٍ فــــضال مـــــزاياه = تعــرض بـه الاعمال والحق ميزان
صبـاح يـــوم اثنيـــن قــفــّت مطاياه = يـاجعل منــــزالك بـــروحٍ وريحان
ويـاجعل قبــرك فــي رياضٍ تغشاه = في جنـة الفردوس منزل ومسكان
عسى الـولي يـرحمك مجزل عطاياه = سبحـــانه اللي يجزي العبد غفران
وعسى العوض في عمي الشيخ ممشاه =وابوي راس الطيب لاهان الاخوان
وصلـــوا علـــى المختـــــار لاحل ذكراه = محمد رســول الله من نسل عدنان

بقلم ابنكم

ابراهيم بن عبدالله بن عبدالعزيز الجلعود

مدينة سميراء 15 / 2 / 1432 هـ