ترجم احساسك الشعري بعودة ملك الانسانيه ابو متعب
صبــاح / مســاء الخير من منتدى النخبه ومن صرح ويلان=نرفع لكم اسمى وأرق التهاني جينا نشارك بالفرح كل الاخوان=بعودة ابو متعب سهيل اليماني بمناسبة عودة سيدي خادم الحرمين الشريفين / عبدالله بن عبدالعزيز آل سعود الى وطنه وماتشهدة البلاد من فرحه عارمه بعودته سالماً معافا هذة دعوة الى عموم شعراء منتدى النخبه ويلان الى ترجمة احاسيسهم ومشاعرهم بهذة المناسبه . . |
رد: ترجم احساسك الشعري بعودة ملك الانسانيه ابو متعب
الشاعر الراقي محمد بن موسى
صح لسانك وبدنك ولاهنت مبدع ومميز بجميع حالاتك موضوع جميل وننتظر تفاعل الاخوه الشعراء واخواتي الشاعرات ليتني شاعره علشان اشارك تقديري واحترامي |
رد: ترجم احساسك الشعري بعودة ملك الانسانيه ابو متعب
سلطاان الحرف
الله يبيض وجهك على هذه اللفته الطيبه السالفه مني تبي قو تصوير=والصوت ياصل لو اعلامه حجبنا الصدق باقوله ولوكان به ضير =وان خربت الطبخه ترانا خربنا من منطلق شعوب وتريد تغيير ..=أرحل ياأبومتعب ترانا تعبنا .. أرحل من المغرب تعال أنشف البير ..=تعال فرحنا وفرح عربنا . يالحاكم الوالد ويالبار يالغير ..=بعدك بردنا مايدفي حطبنا .. حياك ربي عد ماغرد الطير ..=من صغرنا من عشق حبك شربنا .. قلته وأناعاطل ولا أريد تغيير ..=أهم شي شوفك يشتت تعبنا .. ♥̉̉►̸̩░مشهور العنزي _الشملي░►̸̩♥̉̉ |
رد: ترجم احساسك الشعري بعودة ملك الانسانيه ابو متعب
اقتباس:
مشاعل .. صح بدنك اختي ونورتي الموضوع بطلتك الرائعه دمتي بوود |
رد: ترجم احساسك الشعري بعودة ملك الانسانيه ابو متعب
اخوي محمد
صح الساانك وتسلم على هاالموضوع الرائع اللي يدل على وعيك ياالغالي .
يوم(ن) بعض الشعوب تحبل لحاكمها=تشب في دارها النيران والثوره حنا لجل دارنا عصابه ومحزمها=ونارد على موتنا لعيون اخو نوره يامرحبا ياذرى البيتين وخادمها=ماجور من آهتك والدار ماجوره يقوله اللي عقود القاف ناضمها=بندر وريث الشعر ومسطر سطوره |
رد: ترجم احساسك الشعري بعودة ملك الانسانيه ابو متعب
لاهنت اخوي محمد وابو متعب مهما قلنا
لن نوفيه حقه ولا نعبر له عن مافي قلوبنا كل الشكر لك *** *** *** يوم الربوع المملكه عندها عيـد=بقـدوم عبـدالله تـزف التـهـاني هلا بابـو متـعـب أبـعـيـد وازيـد=شوفه يكفينا وهاذي الامـاني يامرحبا به قالها الشعب ترديد=وغلاه ماتوفيه كثر الـمعـانـي |
رد: ترجم احساسك الشعري بعودة ملك الانسانيه ابو متعب
الشاعر الراقي محمد بن موسى
صح لسانك وبدنك ولاهنت والله يعطيك العافية على هذا الموضوع وأظن قصيدتي مكانها هنا اهتفوا للمجد واليوم السعيد = يابو متعب ياهلا ابك ياهلا ياهلا بك ياعسى عمرك مديد = رددوها بالمحبة والولاء شف غلاتك جرت حروف القصيد = مانتحمل غيبتك عننا ترى يا رموز العز والمجد التليد = كلنا بالعز والخير اخشرا سارعي للمجد نرفعها نشيد = كل شر ندفعه عنها ورا عاد عيدك ياوطنا كل عيد = بالأمان والتطور والرخاء بشايه المعبود رزاق العبيد = مظهر الأرزاق من بطن الثراء عقب بيت الطين سقفه من جريد= بشامخاتٍ بالمدن ويضا القرى مؤسسة بالعز من عبد العزيز= وعاد لك بالخير يوم إنه سرا ياوطنا من سكن بأرضك سعيد = من شرب من ماءك في وجهه مراء بك ظلال الشرع والحكم الرشيد = عن سموم الال في حجره ذرى مسكنك بالقلب ولا يمكن يبيد = وأنت شعبك مايحب المنكرى كل حاسد نكشفه مايستفيد = لو تنمق بالخطاب المفترى </h2> |
| الساعة الآن (10:09 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه