بيت الشرف والعز بالطيب مرصوع=وبيت الردي لو زان ماله مهابه
وبيت(ن) يظل إسباع لو كله رقوع=اخير من قصر(ن)يجيب المعابه
ونا من الويلان...... والراس مرفوع=قوم(ن)لهم في قمة المجد غابه
تاريخهم........ مايجحده كل زيبوع=اهل الكرم والسيف عزه إنصابه
ياما شرعنا شي ماهوب مشروع=وبين عنزه والمجد عرق ونسابه
طبع عنزه... ماتجلب العار والجوع=وحقوقهم بالغصب ماهي طلابه
عون الدخيل ودونه إسهوم ودروع=واللي قرب للنار....تحرق إثيابه
وبيوتنا للضيف.....مدهال وشموع=والجار لو إنظيم.... يلقى زهابه
ورفيقنا شوره على طول مسموع=وبالمال والارواح.... نجبر مصابه
حنا لحال....... ودايم الدوم بطلوع=حنا السؤال اللي صعيبن جوابه
إإإإإيه عنزي ...واقولها ورفع الكوع=يوم(ن) كل(ن) يعتزيله.... بلابه

كُن بخير