°~*¤®§(§ شبـــكة ويــلان العـربـيـه §)§®¤*~ˆ° - (لقاءات) مع الشاعر سعود بن فياض العنزي

بسم الله الرحمن الرحيم
السلام عليكم ورحمه الله وبركاته
باسمي وباسم اداره موقع هذا الصرح الشامخ
شبكه ويلان العربيه اقدم لكم مره اخرة برنامج ( لقاءات )
الذي سلطت الضؤ من خلاله على شعرا مبدعين من شعراء هذه القبيله العريقه الشعراء الذين لم يخدمهم الاعلام بشي ضيفنا في هذه الحلقه
شاعراً معاصر عرف بالحكمه والجزاله وله مساجلات مع كبار شعراء قبيله عنزه ضيفنا هو الشاعر القدير : سعود بن فياض الجعفري العنزي
فل نرحب به جميعاً

http://www.weelan.org/getimg.php?image=2121

من هناء نبدا

شاعرنا الفاضل عرفنا بنفسك؟ ومتى كتبت الشعر؟

سعود بن فياض بن شويقي الجعفري العنزي

كتبت الشعر من عام 1381هـ تقريباً

http://www.weelan.org/getimg.php?image=2122
الشاعر: سعود بن فياض العنزي

أطرب مسامعنا بما تجود به نفسك ؟

هذه القصيده بمناسبة قدوم خادم الحرمين الشريفين اطال الله في عمره وأدام الله صحته وحفظه من كل سو...

فرحة وطن عمت على كل الاوطان= متشاركه مع فرحة مواطنينه
فرحوا لبومتعب شبابآ وشيبان= وعاد الفرح ومن أولآ فاقدينه
الشعب مترقب قدومه وفرحان= البدو واللي ساكنين المدينه
ياالله يامعبود ياخير رحمان= ماغيرك يارب الملا مرتجينه
تديم صحة من يبادر باالاحسان= تحفظ ابومتعب وياالله تعينه
خادم بيوت الله سلايل كحيلان= ياقف ويثني دون شعبه ودينه
من مثل ابومتعب نقل هم الانسان= غير الرضا والعطف تنفق يمينه
ابوالغلابا والارامل وشيبان= وابو اليتيم اللي فقد والدينه
يساعد المحتاج لوكان من كان= ويسد دين اللي سجينآ بدينه
وكم انفقت يمناه لعلاج مرضان= وكم فرح نفوسآ من اول حزينه
مكارمه ماتنحصي وسط ديوان= اكبر من اللي بشعرنا ذاكرينه
حرام مامثله حكم وقتنا الآان= من مثل ابومتعب بعطفه ولينه
يعل ماصابه طهورآ وغفران= وتحفظ ابومتعب وتمهل سنينه

http://www.weelan.org/getimg.php?image=2123
محدثكم مع الشاعر

هناك شعراء من بيئتك لم يظهروا بالاعلام وشعرهم قوي وجزل
وأنت واحداً منهم ؟ لماذا؟

ياعزيزي مشهور نحن من بيئه لم تعرف الاعلام فنحن ظهرنا
وكان اعلامنا الوحيد ومكان انتشار قصائدنا في مجالسنا التي نجتمع فيها
وكان الغرض منه هو الغرض التخفيفي وهي اظهار مشاعرنا
الحقيقيه دون البحث عن ألاعلام الذي بذلك الوقت لم يكن موجوداً
أما الان فالاعلام يعيش في بيئه ليست بيئتنا

ماهي علاقتك بالشعر وهل قطعت الشعر يوماً ما؟!!

علاقتي بالشعر مستمره وانا بحياتي
لم اقطع الشعر اكثر من شهر او شهرين

http://www.weelan.org/getimg.php?image=2124
صوره جماعيه مع من حضر

هذه قصيده ترحيبيه بمناسبه زياره صاحب السمو الملكي الامير / فهد بن سلطان بن عبد العزيز أل سعود أمير منطقه تبوك لمحافظه تيماء
وأستفتاح طريق الكتيب تيماء

قال الذي يبدع الامثال يقالي = ينظم فنون القصيد ويازن الجابه

بقدوم فهد نقدم زين الامثالي = أميرنا اللي فعول الطيب تزهابه

أولاد وايل نحيي ماض الافعالي = بقدومكم يالامير الكل حيابه

وتيماء وقراها تحيي فرز الابطالي = تبخرت في بخور العود وأطيابه

والارض خضراء وفيها الورد ميالي = الديره اللي يزوره تخضر اترابه

أكتيبناء بك يرحب قدر وأجلالي = يلبس حللها حسين الدل وثبابه

فيكم ترحب عدد ماهل همالي = يامرحبا بالامير برفقة أصحابه

الطيب اللي بطيبه مضرب امثالي = دايم لفعل الجزايل يتعب اركابه

له منزلاً في سنام المجد بالعالي = اللي كما الحر في شكله ومضرابه

طبيعتاً له من أ لاول ولا زالي = اللي فتح للمواطن صدره وبابه

يساعد المستضر ويقدم المالي = يبني مساكن معمرها على حسابه

داراً يزوره يجيها الخير متوالي = تلقى المشاريع بالوديان وهضابه

وربط قراها بطرق وتم بالحالي = جاها سمو الامير وحظها جابه

يعرف بوقت الشدايد يحلق التالي= يكرم اللي نصاه ولين أصعابه

قام يتمايل معاه السيف يمالي = السيف بيمناه شده يلمع أنصابه

حاكم حكيماً عدل والحق ينقالي = من أسره في في علوم الطيب كسابه

عيال صقر الجزيره فرز الابطالي = سله حرار تنومس من تعزوابه
ترخص بالارواح دون الدار ماتبالي = تظهر بوقت الشدايد كنها ذيابه
وليا دعانا المليك نقدم الغالي = لملوكنا والوطن والارض وترابه
مانستمع للأ ليم وشين الاعمالي = الكلب مايمهنا نبحه مع كلابه
الفئه المارقه أخساس وانذالي = الدين منهم بري بالنص وكتابه
والشعب مع الامن في كل الاحوالي = وملوكنا هم حمات الدار وحجابه
المملكة في ذراهم عزها عالي = ومليكنا اللي يدوس الصعب ماهابه
قدر المهمه وللصعبات حلالي = وسلطان رجل المواقف يحسب حسابه
ولي عهد الملك شيال الأثقالي = وقايد جيوشاً تشجع شوفه اسرابه
ونايف حليماً يحل العقد فتالي = رجل ألامن والوطن يسهر على حسابه

أل السعود اللي لهم مداتن جزالي= دوحت وفاء تذري من تذرابه

المملكه في حماهم همها زالي = دستورها الشرع دين الله وكتابه

وختامها بالتحيه قدر وجلالي = لأميرنا في دخون العود وأطيابه

وصلاه ربي عدد ما بالوطن سالي = على نبي الهداء ماخضر أشعابه

http://www.weelan.org/getimg.php?image=2125

من هو شاعرك المفضل ؟!!

الاسماء المميزه كثيره والشعراء المبدعين كثر
لن اذكر اسم واترك اسم
وانا افضل الشعر القديم وكل شعراء العصر القديم

ماأرايك في برامج الشعر الفضائيه ؟

هناك برامج افادت الشعراء وكان له وضوح في هذا المجال
كما ان هناك برامج أساءات لشعر والشعراء
فمتى ما كانت البرامج الفضائيه هذه الماديه البحته
فعندها يكون الاساءه أكبر

http://www.weelan.org/getimg.php?image=2120
كما حضر من يمين الاديب ماجد السعود والشاعر سليمان الهويدي

ماذا يختار لنا شاعرنا من تحفه قصائده ؟

هذه القصيده قلتها اثنا الاحداث الارهابيه والتي يقولها
كل شاعر ومسلم غيور على دينه ووطنه

قال الذي يبدع الامثال ويحوفه = ويبدي بذكر الايلاه الواحد العالي

الله واكبر على من خان معروفه = الفئه الضاله اخناس وانذالي

اعمالهم واضحه للناس مكشوفه = ترويع للأمنين وشرهم طالي

طاعوا لأيماً مشرد يسكن كهوفه = خارج عن الدين شيطاناً ودجالي

يبي يسوي امكنه شغله الكوفه = وأزهق أنفوساً بريه وايتم اطفالي

وش ذنب طفلاً بري ونفوس ملهوفه = زمره هل الشر منهم دينناً خالي

الدين منهم بري بالنص وحروفه = والشعب منهم بري والشعب ينقالي

شعب السعودي بعزمه يعلن اوقوفه = دون الوطن ترخض الارواح والغالي

شعباً بقوه ايمانه نظم أصفوفه = مع الامن والقياده ضد من عالي

من خان دينه أيجاب ايديه مكشوفه = يصير عبره لغيره شين الاعمالي

والمملكه في ذرى ملوكاً بهم نوفه = بفعالهم يشهد الاول مع التالي

ماجت هديه بضرب الشلف وسيوفه = كم وقعتاً به فشقها يشعل اشعالي

من فوق قحص الرمك والهجن مردوفه = عبدالعزيز المؤسس ماض الافعالي

وحد أطراف الجزيره وامنه خوفه = عقب العداوه أمن وشرها زالي

وخلف ملوكاً حراراً تلطم اكفوفه = أخوات نوره لهم بالعز مدهالي

الكل منهم أفعوله تعجب اوصوفه = أهل المكارم لهم مداتن جزالي

بعهد ابو متعب أجناناً تقطف اقطوفه = وأموقراً للمواطن كل ماسالي

يبني بيوت الحجر طوفه ورى طوفه = نهظه تطور وعلم ووفر المالي

وسلطان اللي يحفن الطيب بكفوفه = ولي عهد الملك شيال الاثقالي

ورجل الامن نايف اللي يعلن وقوفه = في وجه الارهاب وعن الغد ماسالي

الله يحفظ وطنا ويئمنه خوفه = وصلوا على المصطفى ماهل همالي

http://www.weelan.org/getimg.php?image=2126
كما حضر الشاعر عبد الله السعود (طير شلوى)

ماهو رأيك بموقع شبكه ويلان العربيه الذي يهتم بكل شاعر وأديب
من هذه القبيله ؟

أولاً اشكر موقع شبكه ويلان العربيه على استضافتهم
وشهادتي مجروحه في شبكه ويلان وان كل فرد من هذه القبيله
هو من يمثل هذا المنتدى الشامخ لو لم يكن موجود داخل هذا المنتدى

واهديكم هذين البيتين علها تنال استحسانكم

مرحبا من شرفونا بالزياره = منتدى الويلان جزلين الفعايل

الرجال الي لهم قدر ووقاره = موثقين اشعار لعيال الحمايل

شكرهم واجب علينا في جداره= وبمنتدانا نفتخر بين القبايل

http://www.weelan.org/getimg.php?image=2127

نطلب منك قصيده ماذا ستختار لنا ؟

هذه القصيده قلتها في مناسبه زياره الشيخ زبن بن محروت الهذال

يامرحبا شرفتنا يابن هذال = حييت ياشيخاً رفيعاً مقامه
يامرحبا حييت يافرز الابطال = حييت ياشيخ السلف والجهامه
حييت يااللي لصعيبات حلال= بزيارتك لنا الشرف والكرامه
شرفتنا يالوايلي ماض الافعال = ونطلب يباريك السعد والسلامه
تاريخكم معروف من ماض الاجيال = الفعل يبقا والدلايل علامه
ابن الذي ينطح خصيمه ليامال = يرجع ذليلن لو براسه زعامه
ومشعان تخشيه القبايل لياصال = عدوهم مايهتني في منامه
وجديع مقطوعً عن الفين خيال = ليهاجت الهيجاء وثوع عسامه
شيوخاً لهم بالمجد منزل ومدهال = الي خذوا بطيب ذروة سنامه
ديره بيني وايل كريمين الاسبال = لبست حللها بالفرح وابتسامه
بزيارتك فرحت شيبان وعيا ل = وفرح الرضيع الي بزمه فطامه
وتم الكلام الي نظمته بالامثال = مضمونه التقدير مع احترامه
قلته وانا من لابتن فعلها يقال = جعافره هل الشرف والشهامه

http://www.weelan.org/getimg.php?image=2128

حصلت مساجله بينك وبين الشاعر الكبير عبد الله بن عبار
هل تحضرك الان ؟

نعم تحضرني هذه القصيده التي وجهتها الى الشاعر عبد الله بن عبار

سميت بسم المعتلي وال الاقدار =سبحان خلاق الملا عالم الغيب
ودنيت لي جيب جديداً وفكسار = يقطع جراهيد السهال الضباضيب
يمشي من الشملي له الخط مشوار = للعاصمه ديره هل المجد والطيب
فت النظيم ووصله لبن عبار = عبد الله اللي ماضين له تجاريب
سلم عليه وسلمه نظم الاشعار = ابيات نهديها لـ حر المراقيب
من ياصله يلقى معزه ومقدار = والعود الازرق مع كثير التراحيب
ويذبح من الجزلات ويكرم الجار = طيبه مجرب ماكر العز والطيب
من زار ابو مشعل جلا عنه الاكدار = الوايلي حلال عسر اللواليب
رقى بسنام المجد ماهاب الاخبار = وبالفعل يشهد له جنوباً وتغريب
احياء مفاخر للقبيله بالاشعار = وسطر لهم بالكتب منهج بترتيب
وسجل لهم في صفحه المجد تذكار= ولف مفاخرهم حصان الاطانيب
افعالهم يوم انها هجن ومهار = وايام غارت العرب بالمعازيب
عنهم تحدث عصرهم ماض الادوار = مروين لحدود السيوف المحاديب
جمع شتات اجموعهم واف الاشبار= واجهد بنفسه لين عد الاصاعيب
يذود عن حوض القبيله وشعار= من دونها ياقف خطام الاجانيب
بك نفتخر حيثك مثل حر سنجار = يالنادر الساطي عطيب المضاريب
اولاد وايل تشكرك سر واجهار= الله يديمك يازبون المواجيب
ومفاخر الويلان ياطير غيمار= ماتنحصي لو ولفت بالمكاتيب
نذكر لكم منها على نوع تذكار = حرب البسوس ونذكر الزير وكليب
والمنذريه يوم جتهم بذيقار = فزوبها والفرس راحو مغاليب
واذكر مصوت بالعشاء وقت الاعسار = يوم المجاعه والسنين المجاذيب
ومشعان صال ويقطع الشط عبار= بظهورهم يسبق هل الفطر الشيب
واللي سكن بديارهم عقبهم نار= الشيخ اخو بتلا مهدي الاصاعيب
وعقاب اخو نمشه على الموقف الحار = عوجان يرمون العشاء لسحم الذيب
واذكر سلاطين العرب نسل الاحرار = ال السعود مطوعين المصاعيب
عبد العزيز اللي بنهج الهدا سار = نجداً خذاها ماتبي كل خطيب
عذا جوانبها وهدا للاشرار = اهل الجزيره به اخواناً واصاحيب
وشف الخليفه حرروا جزر الابحار= فهود الزراجه للسيوف المحاديب
وال الصباح اللي يدوسون الاخطار = شربوا من الصافي عذي المشاريب
وغنيم اخو جوزاء له المجد تذكار = وابن الفقير اللي يدوس الاصاعيب
واذكر هل العلياء على الموت حظار= شعلان بالفرسه اعصاتن مغاليب
واخو هيا كان العدو شبو النار = نعمين بالرشدان اهل المواجيب
مع ابن ملحم وابن جندل وطيار = وبرجس ثناء من دون زمل الرعابيب
والشيخ اخو جحلا حمى حص الاوبار= وساجر خذا ذروات غصباً بلا طيب
والشيخ الايداء مكرم الضيف والجار = ذباح وقت العسر من شمخ النيب
وشيوخ وايل ماتعدد بالاسطار = وفعالهم ماتنحصي بالمكاتيب
وابن سويلم والظويهر هل الكار= وفريح ابن حمرون ماضن له الطيب
وصلات ربي عد ما طايرن طار= على الرسول اللي منزه عن العيب

شاعرنا الفاضل نطلب منك قصيده لـ نختم بها اللقاء ؟

مل قلبً والروابع تلوفه = لوف الهبايب مع عوالي جباله
يالله ياجالي عن العبد خوفه = يوم الحساب ويوم تنشر اعماله
انك تجنبنا كثير الكسوفه = الطف بعبدك يامنشي خياله
يامل نفسً للمعاني عزوفه = نفسي تحب اهل الكرم واشكاله
خص الرجال الي لهم بعد نوفه = من زارهم يالقى الشرف والجلاله
الي لهم بالطيب طلق معروفه = الطيب صعب و لايجي بسهاله
ياجاهم الي حادياته ظروفه = عداتهم كسب الثنى والجماله
قصيرهم ماشاف منهم حفوفه = يرفئ خطاه ولايبين خماله
حضر وبدو كلن على قدر نوفه = تاجد لماضيهم شعار ودلاله
اهل الجزيرة اهل الجميل معسوفه = واهل المكارم ماعليهم كفاله
يبنون بيت المجد لوبه كلوفه = بيت الشعر رمز الكرم والاصاله
بيت الشعر لوهو بعيداً نشوفه = في مجلسه من جاه ينساح باله
راعيه دايم يحتلف في ضيوفه = وسط الوجار مبهراتً دلاله
ضاري لشغل الكيف دايم يحوفه = من منهجه بطيب يرخص حلاله
حلو نباه ومع كلامه لطوفه = يشرح جناب مسيره في قباله
والنذل من كف الكريم مخلوفه = حديثً من حمل عظيم الرساله
ولا الردي لو غاب جلعه ذلوفه= والراس دايم شوفته قد حاله
وطيبً بغير اهله وبال وحسوفه = مثل البضاعه ليا عدم راس ماله
وصلوا عدد ماهل رايح هتوفه = على رسولاً صدق الله افعاله

صح لسانك شاعرنا الرائع والله يبيض وجهك على حسن الضيافه والاستقبال

اخواني الكرام اعضاء وزوار شبكه ويلان العربيه
انتظروني في لقاءات اخرى مع شعراء مبدعين اخرين
تحيااتي : مشهور هويدي الرشدان