نــاعــس الــرمــش
: : ياذابل الشفه اللي هرجها خدري ياناعس الرمش في نظره وسلهامه الخد يزها جماله وجهك البدري والقد يزها وصوفه فارع القامه ان جيت مقبل تناثر ليلك الغدري ضافي جديلك على الساقين وأقدامه ترمي بسهم العيون وكان ما تدري قلبي صويبك وهذي طعنة اسهامه الليل بعيونك النجلا حفر قبري من اول احلام عمري لآخر ايامه الوقت لاشفت زولك مر بي بدري كن الدقايق توازي ماضي أعوامه الشعر مايوصفك لو انتثر حبري على الورق يا(.....) جفت اقلامه لكن عزايه احبك واقبلي عذري القلب سيف المحبه ناوي اعدامه لو مات حبك ياحبي ما نزل قدري أشوم بأسمي وراسي رافع الهامه مايكسر القلب غير البعد ياجبري ولا ينزف الجرح الا غربة اوهامه وشلون ابنسي غرام ٍ نبضه بصدري..؟ ياهاجس البوح والاحساس وهيامه..؟ وياذابل الشفه اللي هرجها خدري يفداك حرف ٍ رسمتي بصمة ابهامه : : |
رد: نــاعــس الــرمــش
فرج الدهمشي
صح لسانك على هذه الابيات الجميله التي تحمل شاعريه مفرطه |
رد: نــاعــس الــرمــش
صح لسانك اخوي فرج الدهمشي
قصيدة رائعه وجميله كتبت فأبدعت والإبداع غير مستغرب منك الله يعطيك العافية على البوح الراقي لك شكري وتقديري |
رد: نــاعــس الــرمــش
صح لسانك يا فرج
هنا شبعت شعر صح بوحك الراقي |
رد: نــاعــس الــرمــش
اقتباس:
سالم العنزي صح بدنك تسلم وتدوم اسعدني مرورك الله يسعدك واشكرك من القلب تحيتي وتقديري |
رد: نــاعــس الــرمــش
الشاعر القدير فرج الدهمشي
عذوبة ماكتبت هنا تجبرنا على قول صح لسانك لاهنت اخوي على هذا الاحساس المرهف والجميل تقديري لك |
رد: نــاعــس الــرمــش
فرج الدهمشي
صح السانك واعتلاا شانك يالغالي قصيدة رائعه بروعة شاعرها لاخلا ولا عدم يالغالي تقبل مروري واحترامي كن بخيرر |
| الساعة الآن (04:45 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه