الملكي جر القوافي من الجاش=وجاتك جيوش الحرف جيش(ن) ورى جيش
سلم على راس(ن) على المرجله شاش=يحيا على الطالات ويموت ويعيش
ما ذلله طرد المراجل ولا انحاش=يوم اعتز(ن) به ناقضات العكاريش
الطيب في قلبي له عروق واعراش=نابت بقلبي ماينوشه مناقيش
ماداني الخمله ولا اخاوي اللاش=وارفع مقامي عن دروب المخاريش
لا عاش من يستصغر الذل لا عاش=يمشي بدربه ويتعاطى البخاشيش
الحر مايسكن جواخير وعشاش=يرقى على المرقاب ثم ينفض الريش
وإلا الردي راحت حياته على ماش=بيموت مابل الكبود المعاطيش