* إنتي الوحيدة *
بلا جنحان أسافر طايرٍ لا شفت عينك تعليني رموشك فوق غيماتٍ بعيدة تسيّرني وتلعبّي وتحملني ظنينك وتهزم قلبي اللي عايشٍ بك في وريدة واسافر آه يامَحْلى السفر وانا رهينك أسافر في جنان الكون وزهورٍ نضيدة واطير بْدنيِةٍ ما شفت فيها غير زينك على كثر النجوم اللي بها انتي الوحيدة أنا ظر زينك وْأهوى عذاريبك وشينك واحط الكف فوق الخد والفرحة شديدة أنا مالي مرايا غير نورٍ في جبينك أعدّل ْ فيه هِنْدامي ولو كنتي عنيدة بدال مْرايتك ليتك تناظر في يمينك رسم نورك شعاعه في المرايا من يكيدة؟ أشوفك عقد ألماسٍ عيوني لاحقينك أنا عْيوني غَدَتْ من وجهك عْقودٍ فريدة جمع صوتك خرير الما وموجه من رنينك جمع صوت الشجر وردٍ وطيرٍ وتْغَريدة إلى منّك عزفتي غصب عنا سامعينك والى منّك سكتّي شوقنا صوتك يزيدة مسح نورك نجوم الفضا هم باغضينك ولاَ الغيمات تحجب لك قصورٍ هي مشيدة عيونك لَهْمست همسٍ عيوني فاهمينك ولو في رمشك رْموزٍ صعيبات ومكيدة أنا لك لو جزيرة من سرابٍ واصلينك وانا لك كنت ظلٍّ أو هوا لازم أصيدة |
رد: * إنتي الوحيدة *
صح لسانك احمد المرحبي ..
ابيات تحمل عاطفه رقيقة و جميلة .. و الابيات رائعه .. و ملاحظه فقط : في النص مخاطبه للمحبوب .. ففي بعض الأبيات استخدمت التأنيث و في البعض الآخر استخدمت التذكير ,, على كثر النجوم اللي بها انتي الوحيدة . . بدال مْرايتك ليتك تناظر في يمينك . و هذا لا يؤثر على شاعريتك و نحن نطمع بالمزيد .. دمت بألف خير .. |
رد: * إنتي الوحيدة *
احمد المرحبي
صح بووحك ونبض رووحك قصيدة رائعه ومعبرة ولاتستغرب من شاعر جزل ومبدع تقبل مروري واحترامي كن بخير |
رد: * إنتي الوحيدة *
صراحه قصيدة ممتعه ورائعه
صح لسانك اخوي احمد حسن المرحبي الله يعطيك العافية على هذا الإبداع لك شكري وتقديري |
رد: * إنتي الوحيدة *
صح لسانك اخوي احمد
نص رائع بروعة حضورك الراقي تقديري لك |
رد: * إنتي الوحيدة *
احمد المرحبي
صح الساانك قصيده رااائعه اخوي لاهنت تحيااتي |
رد: * إنتي الوحيدة *
احمد المرحبي
لديك نكهه خاصه في ماتكتب ويوجد الكثير من الابيات المميزه صح لسانك |
| الساعة الآن (12:57 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه