يالله يالي بكل الاحوال نذكرك = والناس عندك كلها بتساوي
تفرض علينا ولانخالف بوامرك =ودايم مع اللي وكلك ماتراوي
ياالله تعصمناعن الذنب والشرك=ياالله تكفينا الخطاء والبلاوي
ومن بعدها ياهاجس الشعرخابرك=ماتجيب غير الطيبات النقاوي
ياصارعندك موترن مايحيرك=جاهزجديد ولايبــيله مـــناوي
كنه على قطع المسافه يذكـرك=اناخـــويك كان مالك مخــاوي
gxr للمشوار كنه يشاورك = لويلحقه من جورالايام طاوي
صوته اليامنه سرى سر خاطرك =موال تركي الفين والا الجلاوي
تله على دربـن به الله يامرك=على طريقً له شفوقً وهـــاوي
اما تقضٌيبه لـوازم ذخايرك=والا على العمره به الدرب ناوي
والا زيارة صاحبـلـك يقـدرك =وانته على شوفه شفوقن شفاوي
ياجيـت فز وباتهلـي يبـادرك = وجهه بشوش وللمواجيب حاوي
والا مع فجوجً تسرك وتبهرك= وتسر بال اللي عليـها هـواوي
وخلك نزيه ولاتقرٌب من الشرك= وأبعد عن علـوم الردى والدناوي
الحض يامنه تعثر يدهورك=وعدو عيــنك طاح حضه وثاوي
ياطاب حظك يافتاء الجود يظهرك =ومن طاح حظه مالقيله مداوي